Baranavickaja rajonka raskazała historyju pra kaciania ŭ słoiku. Milicyja nazvała heta fejkam, stvoranym dziela chajpu
Napiaredadni pa sacyjalnych sietkach i ŚMI šyroka razyšłasia emacyjnaja historyja. Žycharka Baranavičaŭ vyratavała kaciania, jakoje niechta zakataŭ u trochlitrovy słoik i vykinuŭ kala śmiećcievych kantejnieraŭ.
Pra historyju, što zdaryłasia jašče ŭ kastryčniku, napisała baranavickaje dziaržaŭnaje vydańnie «Naš kraj», i pieradrukavali inšyja miedyi.
Zaraz Naš kraj» vydaliŭ materyjał sa svajho sajta. Pa spasyłcy na artykuł ciapier adkryvajecca staronka z paviedamleńniem «Elemient nie znojdzieny!».
Milicyja piša, što pravieryła hetuju infarmacyju. Zaznačajecca, što padčas razmovy ź mierkavanaj hierainiaj historyi vyśvietliłasia, što žančyna nie paćvierdziła klučavyja detali, vykładzienyja ŭ ŚMI. Jana nie zmahła nazvać vieterynarnuju kliniku, kudy nibyta źviartałasia, i dakładna ŭkazać, dzie i pry jakich abstavinach źjaviŭsia jaje hadavaniec.
Pravierka ŭsich mahčymych vieterynarnych ustanoŭ taksama nie vyjaviła faktu sutyknieńnia z takim vypadkam. U milicyi kanstatavali: fakt žorstkaha abychodžańnia z žyviołaj nie znajšoŭ paćviardžeńnia.
Milicejski kanał nazvał hetuju historyju nazvali fejkam, stvoranym dziela chajpu i pryciahnieńnia aŭdytoryi.
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary