Vieniesueła pačała pavolna adnaŭlać zdabyču nafty paśla taho, jak ZŠA ŭviali sankcyi na jaje ekspart u śniežni 2025 hoda. Dziaržaŭnaja naftavaja kampanija PDVSA adnaŭlaje vytvorčaść u raniej prypynienych naftavych skvažynach, pakolki ekspart syraviny viartajecca, choć i pad amierykanskim nahladam, piša Reuters.
U pieršyja tydni sankcyj ekspart naftapraduktaŭ ź Vieniesueły amal spyniŭsia, i tolki kampanija Chevron, u ramkach sumiesnych pradpryjemstvaŭ z PDVSA, atrymała licenziju na pastaŭki. Heta pryviało da taho, što miljony barelaŭ nafty zastalisia ŭ naftaschoviščach, a PDVSA była vymušanaja časova zakryć skvažyny i źnizić zdabyču ŭ sumiesnych pradpryjemstvach.
Na minułym tydni ahulnaja zdabyča syraviny ŭ Vieniesuele ŭpała da prykładna 880 000 baralaŭ u dzień, u paraŭnańni z 1,16 miljona baralaŭ u dzień u kancy listapada. Asnoŭny naftavy rehijon — pojas Arynoka — skaraciŭ vytvorčaść z 675 000 da 410 000 baralaŭ u dzień.
Na hetym tydni ź vieniesuelskaha ŭźbiarežža adyšli dva supiertankiery z kala 1,8 miljona baralaŭ syraviny kožny, mahčyma, u ramkach pastavak u 50 miljonaŭ baralaŭ pa damoŭlenaści pamiž Karakasam i Vašynhtonam. Adno z sudnaŭ nakiroŭvajecca da terminału South Riding Point na Bahamach.
U PDVSA taksama pravodzicca ŭnutrany aŭdyt paśla kibierataki ŭ minułym miesiacy, jakaja časova paralizavała centralnyja sistemy kampanii i zamarudziła pastaŭki nafty dy raźmierkavańnie paliva ŭnutry krainy. Aŭdyt pavinien dapamahčy vyznačyć karotkaterminovyja płany pa adnaŭleńni zdabyčy, pierapracoŭki i zachoŭvańnia nafty, a taksama padrychtavać prapanovy dla inviestycyj u ramkach 100‑miljardnaha płana Trampa pa adnaŭleńni naftavaj pramysłovaści Vieniesueły.
Akramia taho, amierykanskija trejdynhavyja kampanii Trafigura i Vitol atrymali licenzii na viadzieńnie handlu vieniesuelskaj naftaj, i ciapier viaducca pieramovy ź pierapracoŭščykami ŭ ZŠA, Indyi i Kitai nakont pastavak syraviny.
Tramp nazvaŭ siabie «vykanaŭcam abaviazkaŭ prezidenta Vieniesueły»
Zatrymać siońnia naftavy tankier amierykancam dapamahli ŭłady Vieniesueły. Tramp imi zadavoleny
Tramp choča zdabyvać naftu ŭ Vieniesuele. Nakolki heta realna i kamu jana dastaniecca?
ZŠA hatovyja pakinuć uładu paplečnikam Madura, bo «bolšaść apazicyi nie znachodzicca ŭ Vieniesuele»
Chto takaja Dełsi Radryhies, što zaniała miesca Madura. Maryjanietka Trampa ci abaronca Vieniesueły?
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1111
Kamientary
Nu pra adnaŭleńnie prava i zakonnaści heta nie pra hienijalna łapidarnaha.
Prava i zakonnaść - heta ž kłopaty "levakoŭ", tak?
)))