Džon Koŭł zhadvaŭ raniej, što Alaksandr Łukašenka padčas sustreč ź im cikaviŭsia amierykanskimi lekami dla pachudzieńnia. Vyhladaje, jany realna spracavali.
Paŭnatu Alaksandra Łukašenki apošnija hady časta abmiarkoŭvali. Hetyja razmovy jon nie moh nie zaŭvažać.
Kali padčas štohadovaha pasłańnia ŭ 2023 hodzie Łukašenka kamientavaŭ svajo rašeńnie abmiežavać ceny, to zhadaŭ, jak jaho krytykavali, što nie budzie čaho jeści.
«Chto pachudzieŭ? Na mianie pahladzicie — ubačycie», — źviartaŭsia hruzny palityk da prysutnych.
A kali tyja pačali apładziravać, adreahavaŭ: «A čaho vy apładzirujecie? Što ja nie chudzieju? Ja zajmusia hetym».
Źmieny ŭ źniešnim vyhladzie Łukašenki pačali zaŭvažać niekalki miesiacaŭ tamu — sa śniežnia 2025 hoda.
Padčas pravierki bojehatoŭnaści Uzbrojenych Sił u lutym było bačna pa fota, što vajskovaja kurtka na Łukašenku boŭtajecca.
Admietna, što śpiecpradstaŭnik Trampa Džon Koŭł raskazvaŭ, jak Łukašenka padčas sustreč ź im cikaviŭsia amierykanskimi lekami dla pachudzieńnia. Upieršyniu havorka zajšła padčas vizitu Koŭła ŭ krasaviku 2025-ha. Koŭł raskazvaŭ Łukašenku, jak skinuŭ vahu, vykarystoŭvajučy injekcyi Zepbound. I amierykanskija čynoŭniki vyrašyli vyvučyć mahčymaść arhanizacyi pastavak Zepbound dla asabistych patreb palityka, pisała The Wall Street Journal.
Łukašenka, vidać, razumiejučy, što jaho pachudzieńnie budzie zaŭvažanaje, u studzieni zajaviŭ, što imkniecca skinuć vahu i tamu vyklučyŭ z racyjonu šakaład i rahačoŭskuju zhuščonku, a pa viečarach admoviŭsia ad kaŭbasy i naohuł na noč nie jeść.
-
Fatohraf z Kalinkavičaŭ zasudziŭ Maskoŭski zaapark, jaki vykarystaŭ biez dazvołu jaho fota norki
-
«Heta jaho paduška biaśpieki». Na trasie pad Minskam zaŭvažyli niezvyčajny sposab pieravozki šyn
-
Łukašenka ŭviazaŭ vyzvaleńnie palitviaźniaŭ z adkryćciom amierykanskaha pasolstva i finansavymi pytańniami
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary
A što kali adnojčy nie Zepbound pryjedzie, a niešta bolš badzioraje?