U Ńju-Jorku niepahadź zabrała žyćci troch čałaviek. U Techasie i Łuizijanie ludzi zastalisia bieź śviatła. Nadzvyčajnaje stanovišča abvieščana ŭ 20 štatach. Tym časam, amierykancy źmiatajuć litaralna ŭsie pradukty z palic kram.
Złučanyja Štaty apynulisia ŭ pałonie histaryčnaha zimovaha štormu, jaki atrymaŭ nieaficyjnuju nazvu «Fiern». Stychija achapiła vielizarnuju terytoryju i moža zakranuć bolš za 230 miljonaŭ čałaviek. Užo viadoma pra śmiarotnyja vypadki: try čałavieki zahinuli ad choładu na vulicach Ńju-Jorka. Nadzvyčajnaje stanovišča abvieščana ŭ 20 štatach.
Niebiaśpieka štormu zaklučajecca nie tolki ŭ anamalnych śniehapadach, ale i ŭ razburalnym abledzianieńni. U paŭdniovych štatach, jakija nie prystasavanyja da takich marazoŭ, ablivacha i mocny viecier valać drevy i rvuć linii elektrapieradač.
Na hety momant kala 135 tysiač spažyŭcoŭ zastalisia biez elektryčnaści, najbolš składanaja situacyja nazirajecca ŭ Techasie i Łuizijanie. Tempieratura pavietra ŭ asobnych rehijonach apuściłasia da adznak, jakija z ulikam vietru adčuvajucca jak -40 hradusaŭ.
Transpartnaja sistema krainy faktyčna paralizavanaja. Za vychodnyja było skasavana bolš za 13 tysiač avijarejsaŭ, što stała samym maštabnym zbojem u avijazłučeńni z pačatku pandemii COVID-19.
Na trasach pa ŭsioj krainie fiksujucca sotni avaryj, ruch pa mnohich mahistralach całkam spynieny.
Mietearołahi papiaredžvajuć, što ŭ niekatorych rajonach vypadzie da 60 santymietraŭ śniehu, a ekstremalnyja marazy pratrymajucca jašče niekalki dzion, što tolki ŭskładnić likvidacyju nastupstvaŭ stychii.
Ciapier čytajuć
U turmie pamior były supracoŭnik KDB Mikałaj Varapaj, asudžany za špijanaž na karyść Ukrainy3
Kamientary
Butarbrod pliasnuū na padlohu nie maslam dolu, nie jak zaūždy. To bok, nia ūsio tak sumna, časam i mnie fartunic`... I niachaj, i kab časciej i ū bujnych pamierach !... Paslia hetaha skazu tre bylo b čaračku kulnuc`, dy niama. I heta taksama dobra...