«Uvieś čas zastajecca čorny asadak». U «Minsk-Śviecie» skardziacca na žudasnuju vadu
Žychary «Minsk-Śvieta» pišuć u Threads pra drennuju jakaść vady ŭ kompleksie. «Hetuju vadu jany nazyvajuć artezijanskaj», — iranizujuć ludzi.
Adna z žycharak «Minsk-Śvietu» apublikavała ŭ Threads fota filtra dla vady, jaki, pavodle jaje słoŭ, stajaŭ tolki dva dni. Dziela paraŭnańnia na fota jość i čysty filtr.
Žančyna nie chavaje ŭražańniaŭ:
«U takoj vadzie my hatujem, my kupajem dziaciej i hetak dalej. Hetuju vadu jany nazyvajuć artezijanskaj. Kali niechta šukaje pryčynu vypadzieńnia vałasoŭ, pačnicie z vady».
Pry hetym, kaža žančyna, u kvatery ŭžo staić sistema ačystki vady:
«Hety filtr pastaviła prosta ŭ dadatak pa paradzie trychołaha, kab vałasy myć. Jak bačycie, navat ź sistemaj jakaść drennaja. Mianiajem nie raz na paŭhoda, a štomiesiac».
U kamientary da žančyny pryjšoŭ zvarščyk, jaki, pavodle jaho słoŭ, udzielničaŭ u zvarcy trub, jakija padajuć vadu ŭ Minsk. Jon raskazaŭ, što kali daviałosia rezać tyja truby, to akazałasia, što ŭ peŭnych miescach jany zabityja piaskom i iłam na čverć dyjamietra. To-bok sama vada moža być dobraj, ale prablema ŭ brudnych trubach.
Inšyja žychary «Minsk-Śvieta» dzielacca svaimi historyjami pra vadu:
«Apošni hod praktyčna štodzień brudnaja vada. Kolki ja ni źviartałasia ŭ 115 i vodakanał, ničoha nie źmianiajecca».
«Pahadžusia, žudasnaja jakaść vady, Kastryčnicki rajon».
«Taja ž situacyja, učora mianiaŭ źmiennyja kartrydžy ŭ filtry».
«Jak ja stamiłasia, što dziaciej nie mahu pakupać u vannaj. Uvieś čas zastajecca čorny asadak, padobny da mietaličnaj stružki ci ziamli. Kolki razoŭ ja pisała ŭ 115, dasyłała fota. Kastryčnicki rajon. Pamiataju, jak niechta kazaŭ, što ŭ «Minsk-Śviecie» artezijanskaja vada».
U kamientarach da pasta žycharki «Minsk-Śvieta» adznačylisia minčuki ź inšych rajonaŭ. Akazałasia, što i tam nie ŭsie atrymlivajuć abiacanuju artezijanskuju vadu, chacia byli i tyja, u kaho ŭsio dobra:
«Paŭdniovy Zachad i Malinaŭka takija ž. Prapuskaju praz taki filtr vadu dla ŭvilhatnialnika, nie dapamahaje».
«Kuncaŭščyna — taja ž situacyja».
«Paŭhoda vykarystoŭvaju takija filtry, historyja dakładna takaja ž, ale žyvu ŭ zusim inšym rajonie».
«Naša Niva» — bastyjon biełaruščyny
PADTRYMAĆ
Były ministr kultury Rusłan Čarniecki znajšoŭ sabie padpracoŭku9
Kamientary