Vilenski biełaruski muziej imia Ivana Łuckieviča vyjhraŭ tendar na prava arendy raniejšaha budynka
U hetym ža budynku na vulicy Vilenskaj, 20 znachodzicca i Centr biełaruskaj supolnaści i kultury.
Biełaruski muziej imia Ivana Łuckieviča vyjhraŭ publičny tendar na arendu budynku pad adrasam vulica Vilenskaja 20‑1S — pamiaškańnia, dzie Biełaruski dom (adna ź viadomych nazvaŭ budynku) znachodzicca ŭžo 5 hadoŭ.
Heta «Radyjo Svabodzie» paćvierdziła kiraŭnica ŭstanovy Ludvika Kardzis. Pavodle jaje, papiaredniaja damova ab arendzie budynku zakančvajecca 25 sakavika 2026 hoda, a novaja budzie zaklučacca na 10 hadoŭ.
Z prajektu damovy, jakuju Biełaruski muziej imia Ivana Łuckieviča atrymaŭ ad haradskoha samakiravańnia, arenda pamiaškańnia pavialičycca z 121 jeŭra da 1669 jeŭra za hod.
«Za piać hadoŭ arendy budynak pieratvaryŭsia ŭ sapraŭdny centar biełaruskaj supolnaści i kultury ŭ Litvie», — kaža Ludvika Kardzis.
Jana nazvała asnoŭnyja dasiahnieńnia supracoŭnikaŭ muzieja, jaho vałancioraŭ i danataraŭ: praviedzieny kapitalny ramont, akramia muzieja, pačała dziejničać adzinaja ŭ Litvie publičnaja biełaruskaja biblijateka, pracujuć tydniovaja biełaruskaja dziciačaja škołka i moŭnyja kursy, rehularna pravodziacca mastackija imprezy i sustrečy.
«Ciapier rychtujemsia da śviata biełaruskaj paezii j Dnia rodnaj movy, jaki adznačym 21 lutaha», — raskazała pra najbližejšyja płany Ludvika Kardzis.
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary