Ukraincy atakavali zavod u Udmurcii, na jakim robiać «Iskandery» i «Arešnik»
Zavod u Votkinsku, jaki znachodzicca ŭ rasijskaj Udmurcii i vypuskaje rakiety «Iskander-M», «Topal-M» i «Arešnik», trapiŭ pad načnuju ŭkrainskuju ataku, paviedamlaje Astra. Videa śviedkaŭ źniataje prykładna za paŭkiłamietra ad mahčymaha epicentru pažaru.
Miascovyja žychary ŭ čatach paviedamlajuć, što padčas ataki paškodžanyja cechi №22 i №36. Pavodle ŭkrainskich analitykaŭ, udar byŭ naniesieny nie BPŁA, a rakietami «Fłaminha», choć paćviardžeńnia hetamu pakul niama. Ad horada Votkinska da miažy z Ukrainaj amal paŭtary tysiačy kiłamietraŭ.
Votkinski zavod źjaŭlajecca stratehičnym abaronnym pradpryjemstvam i znachodzicca pad sankcyjami ZŠA, Vialikabrytanii, ES, Šviejcaryi, Aŭstralii, Japonii i Ukrainy.
Kiraŭnik Udmurckaj Respubliki Alaksandr Bračałaŭ paćvierdziŭ ataku USU na «adzin z abjektaŭ» respubliki. Pavodle jaho słoŭ, udar byŭ naniesieny bieśpiłotnikami.
Jość i paciarpiełyja, ale ich kolkaść nie nazyvajecca.
U žniŭni 2023 hoda na zavodzie ŭžo adbyŭsia vybuch u cechu №95, kali byŭ paškodžany adzin z karpusoŭ, dzie źbirali rakiety dla adpraŭki va Ukrainu. Pryčynaj tady nazvali «spracoŭvańnie abstalavańnia».
Va Ukrainie pakazali, jak zapuskajuć rakiety «Fłaminha» VIDEA
Minabarony RF upieršyniu pryznała ŭdary pa Rasii novymi ŭkrainskimi rakietami «Fłaminha»
Ukraina zajaŭlaje, što ŭdaryła «Fłaminha» pa palihonie, adkul Rasija zapuskaje «Arešnik». Jaki vynik?
Kudy źnikła «samaja paśpiachovaja rakieta» Ukrainy «Fłaminha»?
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary