Piatkievič: Davajcie raskazvać, što paśla 30 hadoŭ naradžać składana
«Treba tłumačyć, što hetyja rečy treba rabić svoječasova», — paraiła jana.
Namieśnica premjer-ministra Natalla Piatkievič na kalehii Ministerstva infarmacyi źviarnuła ŭvahu na prablemu «adkładzienaha maciarynstva» i zaklikała žurnalistaŭ pracavać nad demahrafijaj.
Pavodle Piatkievič, ŚMI zanadta časta pakazvajuć prykłady znakamitaściaŭ, jakija naradžajuć u 50 ci navat 56 hadoŭ, što stvaraje iluziju biaśpieki. Piatkievič zaklikała žurnalistaŭ pryziamlić hetuju temu.
«ŚMI sapraŭdy mohuć tvaryć realnuju dziaržaŭnuju palityku. Prykład — demahrafičnaja biaśpieka. My ŭsie razumiejem, što siońnia jość adkładzienaje maciarynstva, — skazała jana. — Raniej žančyny bajalisia naradžać pozna — mała što moža zdarycca, siońnia čujem, što tam zorka ŭ 50 hadoŭ naradziła, tam — u 56. Davajcie raskazvać, što paśla 30 i siońnia naradžać składana, asabliva kali jość prablemy sa zdaroŭjem. Treba tłumačyć, što hetyja rečy treba rabić svoječasova. Bo absalutnaja bolšaść maładych dziaŭčat i chłopcaŭ chočuć mieć siamju i dziaciej».
Natalli Piatkievič 53 hady. U jaje adzin syn.
Ciapier čytajuć
Hety biełarus daśleduje rak — voś što jon kaža pra SPF ad miełanomy, navukovy prahres i samy składany ŭ lačeńni rak3
Kamientary