Donald Tramp, niahledziačy na zajavy pra chutkuju pieramohu, dapuskaje, što pavietranaja apieracyja suprać Irana moža praciahvacca jašče niekatory čas.
Fota: Morteza Nikoubazl/NurPhoto via Getty Images
Na hetym fonie były aficer amierykanskaj vajskovaj raźviedki Majkł Prehient u razmovie z Bild apisaŭ try mahčymyja scenaryi zakančeńnia kanfliktu — ad simvaličnaha abviaščeńnia pieramohi da zaciahnutaj kampanii ź pieryjadyčnymi ŭdarami.
Pieršy varyjant — abviaścić apieracyju paśpiachovaj paśla źniščeńnia bolšaj častki rakietnaj infrastruktury Irana. Pavodle acenki Prehienta, pry praciahnieńni ŭdaraŭ jašče niekalki tydniaŭ možna vyvieści z ładu bolšuju častku puskavych ustanovak, paśla čaho Vašynhton moža zajavić pra vykanańnie hałoŭnaj zadačy.
«My nanosim udary pa infrastruktury KVIR rakietami i bieśpiłotnikami. Tady 95 pracentaŭ puskavych placovak balistyčnych rakiet Irana buduć źniščany. Misija vykanana», — kaža Prehient.
Druhi scenar praduhledžvaje sprobu cisku na iranskaje kiraŭnictva praz padtrymku apazicyi: zamiest masiravanych atak mahčymyja kropkavyja ŭdary pa siłavych strukturach z adnačasovaj dapamohaj praciŭnikam režymu.
Treci varyjant — praciahły kanflikt nizkaj intensiŭnaści biez naziemnaj apieracyi. U hetym vypadku ZŠA i Izrail zachavajuć kantrol u pavietry i buduć nanosić udary pa miery źjaŭleńnia celaŭ, jak heta adbyvałasia padčas kampanii suprać hrupoŭki «Isłamskaj dziaržavy».
Na dumku Prehienta, uviadzieńnie suchaputnych vojskaŭ małavierahodnaje z-za ryzyki ŭciahnucca ŭ zaciažnuju vajnu ź niepradkazalnymi nastupstvami.
ZŠA atakavali vostraŭ Chark u Piersidskim zalivie. Praź jaho prachodzić 90% iranskaha ekspartu nafty
ZŠA paabiacali da $10 młn uznaharody za infarmacyju pra lidaraŭ Irana
U Iranie adśviatkavali Dzień Al-Kuds. Na ludziach źjaviŭsia i prezident VIDEA
Tramp adpraŭlaje na Blizki Uschod 5 tysiač marskich piechacincaŭ
Tramp dapuskaje, što Pucin «krychu» dapamahaje Iranu
Kamientary
Scenar:
1. Vjetnam.
2. Kareja.
3. Afhanistan.
1 objavlajut maleńkuju pobiedu i uchodiat??? Iran prostit ubijstva lidierov? Syn prostit ubijstvo otca, žieny, dietiej .... Proliv otkrojet???.
2. Takžie łaža kak i u puti była s Ukrainoj, kohda on povierił čto ukraincy toka i ždut jeho bomb
3. Amurskaja ekonomika sdochniet namnoho bystriej iranskoj....
Nas ždut očień nieprostyje i, vielikije odnovriemienno, vriemiena