Samy efiektyŭny sposab praduchilić — pryščepka.
Pra heta žurnalistam raspaviała zahadčyca supraćepidemičnaha adździaleńnia Respublikanskaha centra hihijeny, epidemijałohii i hramadskaha zdaroŭja Ułada Zapolskaja, piša BiełTA.
Miedyk adznačyła, što siezon klaščoŭ užo možna ličyć adkrytym. «U studzieni i lutym było zarehistravana 5 ukusaŭ. Užo na praciahu dvuch tydniaŭ ustalavalisia siaredniesutačnyja tempieratury kala 5 hradusaŭ, i nasielnictva zaŭvažaje klaščoŭ u lesaparkavych zonach. Viasnoj jany bolš hałodnyja i aktyŭna napadajuć», — raspaviała Ułada Zapolskaja.
Doktap-epidemijołah nahadała pra miery prafiłaktyki. U pieršuju čarhu nieabchodna abaraniać skuru śvietłym adzieńniem z manžetami, vykarystoŭvać hałaŭnyja ŭbory i repielenty. Paśla naviedvańnia lasoŭ i parkaŭ varta pravodzić ahlad.
Najbolš efiektyŭnaj mieraj prafiłaktyki źjaŭlajecca vakcynacyja. Biaspłatnyja pryščepki — rabotnikam lasnoj śfiery, vajennasłužačym i inšym katehoryjam, jakija pracujuć u zonach ryzyki. Astatnim hramadzianam vakcynacyja pravodzicca na płatnaj asnovie.
Pry ŭkusie nieabchodna nieadkładna vydalić klašča, apracavać miesca antysieptykam i źviarnucca pa miedycynskuju dapamohu ŭ pieršyja 72 hadziny dla praviadzieńnia ekstrannaj prafiłaktyki antybijotykami.
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary