Biełaruś płanuje vyvieści na arbitu novy kaśmičny aparat u 2028 hodzie. Jon budzie stvorany ŭ krainie i stanie častkaj sumiesnaj z Rasijaj hrupoŭki z troch małych spadarožnikaŭ, raskazaŭ žurnalistam namieśnik načalnika ŭpraŭleńnia aerakaśmičnaj dziejnaści aparata Nacyjanalnaj akademii navuk Ivan Buča.
Hety aparat budzie daśledavać kalapłanietnuju prastoru i dapamahać prahnazavać mahnitnyja bury. Na im ustalujuć śpiecyjalnyja prybory, jakija zmohuć fiksavać zaradžanyja čaścicy paśla soniečnych uspyšak. Heta dazvolić zahadzia vyjaŭlać mahnitnyja bury i prahnazavać ich raźvićcio.
Takija bury mohuć niehatyŭna ŭpłyvać na elektroniku, u tym liku na važnyja sistemy — naprykład, na enierhietyku abo čyhunačny transpart. Rańniaje vyjaŭleńnie daje mahčymaść padrychtavacca i źmienšyć mahčymyja straty.
Raspracoŭka źjaŭlajecca častkaj nacyjanalnaj kaśmičnaj prahramy. Raniej Biełaruś užo vyvieła na arbitu dva małyja aparaty: adzin daśleduje ianaśfieru, druhi adsočvaje tempieraturnyja anamalii na Ziamli. Asablivaść apošniaha ŭ tym, što jon apracoŭvaje danyja niepasredna na borcie i adrazu pieradaje važnuju infarmacyju.
Hetyja technałohii ŭžo majuć praktyčnaje prymianieńnie. Naprykład, dziakujučy kaśmičnamu manitorynhu pažaraŭ udałosia značna źmienšyć płoščy ŭzharańniaŭ. Ratavalniki atrymlivajuć infarmacyju vielmi chutka i mohuć vyjazdžać dakładna ŭ patrebnyja miescy.
Taksama istotna pašyryŭsia kantrol za tarfianikami: ciapier nazirajuć amal usie takija terytoryi ŭ krainie. Heta dazvoliła značna skaracić kolkaść vyjezdaŭ ratavalnikaŭ.
Biełaruskija sistemy manitorynhu vykarystoŭvajucca nie tolki ŭnutry krainy, ale i dla nazirańnia za susiednimi terytoryjami, što dapamahaje svoječasova reahavać na pahrozy, naprykład pažary.
Ciapier u Biełarusi ŭžo pačałasia novaja, čaćviortaja kaśmičnaja prahrama. Taksama płanujecca raźvićcio supracoŭnictva z Rasijaj i inšymi krainami, u tym liku ŭ halinie madernizacyi kaśmičnaj infrastruktury i pavieličeńnia terminu słužby spadarožnikaŭ.
Zavod «Łuč» vypuściŭ hadzińniki da hadaviny palotu ŭ kosmas Haharyna
Misija «Artemida» ablacieła Miesiac i viartajecca dadomu
Čamu amierykancy tak irvucca na Miesiac, što tam buduć zdabyvać? I što da taho biełarusam? Tłumačyć biełaruski astrafizik
Čamu ludzi paŭstahodździa nie lotali da Miesiaca?
Amierykanski astranaŭt u kosmasie raptam razvučyŭsia havaryć
Ci mahčyma zaciažarać u kosmasie? Navukoŭcy pravieryli
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary