Łatvija pryniała rašeńnie padoŭžyć jašče na hod zabaronu na impart sielskahaspadarčaj i karmavoj pradukcyi ź Biełarusi i Rasii — ciapier jana budzie dziejničać da 1 lipienia 2027 hoda, piša Lsm.lv.
Hetyja abmiežavańni ŭviali jašče ŭ sakaviku 2024 hoda. Jany tyčacca tolki tavaraŭ, jakija ŭvoziacca dla vykarystańnia ŭ samoj Łatvii, i nie raspaŭsiudžvajucca na tranzit — kali pradukcyja idzie praz krainu ŭ inšyja dziaržavy ES.
Pad zabaronu traplajuć roznyja vidy sielhaspradukcyi, u tym liku zbožžavyja kultury (pšanica, žyta, jačmień, avios), babovyja (haroch), prosa, alejnyja kultury, cukrovyja buraki, a taksama pradukty pierapracoŭki — muka, karmavyja sumiesi i pradukcyja žyviolnaha pachodžańnia.
Pavodle danych łatvijskaha Minsielhasa, paśla ŭviadzieńnia abmiežavańniaŭ impart z Rasii značna skaraciŭsia: spačatku prykładna na 30%, a potym jašče bolš — da 85%. Pastaŭki ź Biełarusi taksama źmienšylisia — spačatku na 12%, a zatym prykładna na 55%.
Takim čynam, Łatvija praciahvaje palityku abmiežavańnia pastavak sielhaspradukcyi z hetych krain, i nie vyklučajecca, što ŭ budučyni miery mohuć stać jašče bolš žorstkimi.
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary