«Adzin chłopiec, na vyhlad hadoŭ 16 jamu było, navat praciahnuŭ u akno zapisačku z tekstam «Dziakuj za vašu pracu!». Dahetul važu jaje ŭ torbie z dakumientami».
Iłona Drozd pracuje kiroŭcam aŭtobusa ŭ Minsku. Kali žančyna pryjšła pracavać u aŭtobusny park №5, u jaje było čaćviora dziaciej va ŭzroście ad 4 da 9 hadoŭ. Jana pracuje ŭ parku kala 10 hadoŭ, dzieci vyraśli — dvoje ŭžo paŭnaletnija, raskazvaje abw.by.
Raniej Iłona była vychavalnicaj u dziciačym sadzie, ale vyrašyła źmianić prafiesiju.
«Ź dziacinstva maryła stać kiroŭcam i chacieła vadzić mienavita aŭtobus. Spačatku atrymała katehoryju V, adjeździła dva hady i pajšła vučycca na katehoryi D i S. Uładkavacca na hetuju pracu žančynie tady było davoli składana — u mnohich parkach, kudy ja telefanavała, admaŭlali. Tut dali šaniec, i ja vielmi ŭdziačnaja za heta kiraŭnictvu», — dzielicca jana.
Padčas navučańnia Iłona była adzinaj dziaŭčynaj u hrupie, adnak heta nie stvarała ciažkaściaŭ: ekzamieny jana zdała ź pieršaha razu. Mnohija žančyny ŭ prafiesii pačynajuć z tralejbusa, ale dla siabie jana adrazu vyrašyła: pracavać tolki na aŭtobusie. Kali pryjšła ŭ park, adnosiny z kalektyvam byli dobryja.
Na pytańnie pra toje, jak udavałasia sumiaščać maciarynstva i pracu, Iłona adkazvaje, što dziejničali pa situacyi: kali jana zabiare-adviazie dziaciej, kali — muž. Starejšyja dapamahali z małodšymi i ŭ cełym raśli adkaznymi i samastojnymi. Da taho ž, pakul trom dzieciam nie spoŭniłasia 16 hadoŭ, pa zakonie jana mieła dadatkovy vychodny raz na tydzień. Dziaciej z sadka i škoły dapamahaŭ zabirać muž, a taksama zaŭsiody dapamahali mama i siastra. Darečy, muž Iłony taksama pracuje ŭ śfiery pasažyrskich pieravozak — kiruje maršrutnym taksi.
«Svajaki spačatku stavilisia da hetaj idei skieptyčna. Adhavorvali ŭsie — pa-pieršaje, tamu što nie žanočaja prafiesija, a muž zapeŭnivaŭ, što ja nie znajdu pracu. Ale ja pajšła i ŭniesła pieršyja hrošy za vučobu. A raz uniesła — treba vučycca», — uzhadvaje Iłona.
Žančyna jeździć na MAZ-203 — spačatku była adna mašyna, z časam aŭtapark abnavili i dali novy aŭtobus. «Lehkavikom ja taksama kiruju, ale na aŭtobusie adčuvaju siabie navat bolš upeŭniena. Habaryty adčuvaju vydatna, lehkavaja mašyna paśla aŭtobusa zdajecca zanadta maleńkaj», — kaža Iłona.
U pieršy čas pasažyry źviartali ŭvahu na žančynu-kiroŭcu aŭtobusa: pakazvali «kłas», aziralisia sa ździŭleńniem. Zaraz uvahi mienš, ale ŭsio roŭna dziaŭčyna za rulom aŭtobusa vyklikaje reakcyju.
«Adzin chłopiec, na vyhlad hadoŭ 16 jamu było, navat praciahnuŭ u akno zapisačku z tekstam «Dziakuj za vašu pracu!». Dahetul važu jaje ŭ torbie z dakumientami.
Kali jon pračytaje hety artykuł, dumaju, jamu budzie pryjemna, što ja jaje zachavała», — kaža Iłona.
***
Prymać kiroŭcami aŭtobusaŭ žančyn u Minsku stali z 2013 hoda. Pieršym hety zrabiŭ aŭtobusny park №5. Ciapier tam kiroŭcami aŭtobusaŭ pracuje 26 žančyn.
Pieršaj žančynaj za styrnom aŭtobusa ŭ Minsku była Ina Piachota. Jana da hetaha času pracuje ŭ parku z mužam na adnym aŭtobusie.
Z prychodam žančyn u parku źjavilisia novyja arhanizacyjnyja paradki.
«Kali my zamacoŭvali kiroŭcaŭ za aŭtobusami, staralisia, kab u pary byli mužčyna i žančyna. Heta źviazana z tym, što mužčyny ŭ siarednim bolš padkavanyja technična. Pry ahladzie mužčyna moža zaŭvažyć bolš niuansaŭ: znos detalaŭ, pracioki, nieabchodnaść ramontu, pravieryć uzrovień antyfryzu. Choć i dziaŭčaty vielmi chutka pačynajuć vydatna ŭ hetym raźbiracca», — adznačaje Vital Čarnavoki, namieśnik dyrektara parka pa ideałohii, kadrach i sacyjalnaj pracy.
Rašeńnie prymać žančyn na pracu całkam siabie apraŭdała.
«Dziaŭčaty vielmi dyscyplinavanyja i adkazna staviacca da pracy», — kaža Vital Čarnavoki.
Spačatku mužčyny-kiroŭcy ŭ parku stavilisia da hetaj idei skieptyčna. Ciapier mnohija, naadvarot, chočuć pracavać u pary ź dziaŭčatami, bo jany dahladajuć techniku nie horš, ale pry hetym stvarajuć u aŭtobusie ŭtulnaść.
Pasažyry, pavodle supracoŭnikaŭ parka, taksama stanoŭča ŭsprymajuć žančyn za rulom. Čaściej za ŭsio adznačajuć akuratny, spakojny styl kiravańnia.
«Kali brać, naprykład, kiroŭcaŭ taksi ci maršrutak, jakija prychodziać uładkoŭvacca da nas na pracu, to tam časam davodzicca dadatkova pracavać nad ich manieraj kiravańnia, rabić jaje bolš spakojnaj. U žančyn z hetym prablem niama ad pačatku».
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1515
Kamientary
Adna - isteryčka, druhaja (užo nie pracuje), naadvarot - haz u poł i pofih na pasažyraŭ, treciaja - niejkaje nieparazumieńnie, pastajanna to na chutkaść złavili, to čyrvonaje prajechała ...
Majo mierkavańnie - kiroŭca aŭtobusa - nie žanočaja prafiesija!
A balničnyja na 4 dziaciej....
Tam muž bieź jajkaŭ, zdajecca!