Mieniedžara pa prodažach bujnoj mižnarodnaj ahrakampanii asudzili pa piaci palityčnych artykułach
43‑hadovy Viačasłaŭ Vansłavovič pracavaŭ u biełaruskim pradstaŭnictvie bujnoj niderłandskaj kampanii APH Group. Jaho aryštavali i abviaścili terarystam.
Minčuku Viačasłavu Vansłavoviču 43 hady. U 2005 hodzie jon skončyŭ ekanomika-pravavy fakultet Biełaruskaha instytuta pravaznaŭstva pa śpiecyjalnaści «Buchhałtarski ŭlik, analiz i aŭdyt».
U svoj čas mužčyna sprabavaŭ zajmacca ŭłasnym biznesam — mieŭ status indyvidualnaha pradprymalnika i handlavaŭ lehkavymi aŭtamabilami, ale ŭ 2016 hodzie jahonaje IP było likvidavana praź nieažyćciaŭleńnie dziejnaści.
Apošnim časam Viačasłaŭ pracavaŭ mieniedžaram pa prodažach u biełaruskim filijale APH Group, adnym z najbujniejšych suśvietnych dyleraŭ sielskahaspadarčaj techniki.
Da zatrymańnia jon vioŭ aktyŭnaje žyćcio, zajmaŭsia sportam i padarožničaŭ. Padobna, mužčynu zatrymali adrazu pa viartańni ŭ Biełaruś.
Aryštavali Viačasłava viasnoj ci letam 2025 hoda i źmiaścili ŭ SIZA. Jaho sudzili ŭ Minskim haradskim sudzie adrazu pa šaści kryminalnych artykułach. Mužčynu abvinavacili ŭ abrazie Łukašenki (č. 1 art. 368 KK) i pradstaŭnikoŭ ułady (art. 369 KK), raspalvańni varožaści (č. 1 art. 130 KK), zaklikach da dziejańniaŭ, nakiravanych na pryčynieńnie škody Biełarusi (č. 3 art. 361 KK), a taksama sadziejničańni ekstremisckaj dziejnaści (č. 1 i 2 artykuła 361‑4 KK).
Ciapier mužčyna adbyvaje pakarańnie ŭ kałonii. Sutnaść spravy nieviadomaja, ale kali mierkavać pa artykułach, to Viačasłava sudzili za kamientary ci dopisy ŭ sacsietkach.
Niadaŭna jaho ŭnieśli ŭ śpisy ekstremistaŭ i terarystaŭ, jakija viaduć biełaruskija siłaviki.
«Naša Niva» — bastyjon biełaruščyny
PADTRYMAĆCiapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec1
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1515
Kamientary
Žił i rabotał v Minskie.
Bolšinstvo do sich por nie v kursie, čto za kommientarii v tiuŕmu brosajut.
Dobra, što my parazumieli adzin adnaho.