Pašynian anansavaŭ budaŭnictva tranzitnaha hazapravoda praz terytoryju Armienii
Akramia taho, palityk zajaviŭ, što ŭ krainie pryniaty zakon ab pačatku pracesu ŭstupleńnia ŭ ES.
Premjer Nikoł Pašynian anansavaŭ budaŭnictva tranzitnaha hazapravoda praz terytoryju Armienii.
«My siońnia ŭžo majem čyhunku z uschodu na zachad, dla nas adkryłasia čyhunka Achałkałaki — Kars (Hruzija — Turcyja), adkryta čyhunka praz terytoryju Azierbajdžana, chutka adkryjecca TRIPP («Maršrut Trampa»), praz terytoryju našaj krainy projdzie hazapravod, za hety tranzit my budziem atrymlivać haz», — skazaŭ Pašynian.
Inšych padrabiaznaściaŭ premjer-ministr Pašynian nie padaŭ, ale adznačyŭ, što Armienija taksama budzie raźvivać alternatyŭnuju enierhietyku.
Akramia taho, palityk zajaviŭ, što ŭ krainie pryniaty zakon ab pačatku pracesu ŭstupleńnia ŭ ES: «Pakul Armienija moža adnačasova być členam JEAES i praciahvać reformy dla dasiahnieńnia jeŭrapiejskaha standartu, my pojdziem hetym šlacham. Kali nastanie čas vybaru, my zrobim vybar, pavinny mieć alternatyvu, kab nichto nie moh kazać pra Armieniju: «A kamu jana patrebnaja, kudy jana dzieniecca?»» — skazaŭ Pašynian.
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie15
Kamientary
TAM (siaredni šlach) i EZ, ZŠA, tureckija i Kitajskija hrošy, I 0 maskoŭskaj impieryi. Usio nie ciahnie džučy pražekt bolej i nam treba jak Armienija vychodzić z vasalnaj zaležnaści