U dačynieńni da Ursuły fon der Lajen raspačata rasśledavańnie z-za sakretnaha čata ź Zialenskim i jeŭrapiejskimi lidarami
Jeŭrapiejski ambudsmien Tereza Ańjińju pryniała rašeńnie raspačać rasśledavańnie suprać kiraŭnicy Jeŭrakamisii Ursuły fon der Lajen z-za jaje sakretnaha čata z Uładzimiram Zialenskim i jeŭrapiejskimi lidarami, publikacyju Berliner Zeitung pierakazvaje «Mieduza».
Havorka idzie pra čat, siarod udzielnikaŭ jakoha byli kancler Hiermanii Frydrych Mierc, prezident Francyi Emanuel Makron, premjer-ministr Italii Džordža Miełoni i premjer Vialikabrytanii Kir Starmier.
Rasśledavańnie tyčycca nie samoha źmieściva čata, a taho, ci nie parušyła Jeŭrakamisija praviły prazrystaści, admoviŭšy ŭ dostupie da hetaj pierapiski.
Pra isnavańnie hetaha čata stała viadoma ŭ studzieni. Paśla hetaha niderłandskaja rasśledvalnickaja arhanizacyja Follow the Money zaprasiła dostup da pierapiski, ale Jeŭrakamisija adchiliła zapyt pad markaj taho, što publikacyja mahła b «nanieści škodu mižnarodnym adnosinam ES z trecimi krainami».
Pavodle danych ŚMI, u čacie abmiarkoŭvalisia ŭ tym liku stratehii ŭzajemadziejańnia z prezidentam ZŠA Donaldam Trampam.
Čakajecca, što rasśledavańnie praciahniecca niekalki miesiacaŭ, a da siaredziny lipienia pavinna adbycca sustreča pradstaŭnikoŭ Jeŭrakamisii i ambudsmiena.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec22
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary
Nie spadabaŭsia jej čat ź Zialenskim i inšymi lidarami Jeŭropy...)