U vakolicach Minska ŭ saviecki čas źjaviłasia niamała dziciačych łahieraŭ i sanatoryjaŭ. Praŭda, nie ŭsie ź ich paśpieli papracavać. Naprykład, u vioscy Novaje Pole šmat hadoŭ pustuje vialiki niedabudavany sanatoryj, jaki składajecca z dvuch karpusoŭ. Ciapier hetuju cahlanuju atmaśfiernuju nieruchomaść vystavili na tarhi, piša Realt.by.
Raźmiaščajucca budynki zapłanavanaj, ale tak i niaździejśnienaj azdaraŭlenčaj ustanovy niepadalok ad trasy na Hrodna i MKAD-2. Ad Minska da hetych miaścin — kala 30 kiłamietraŭ.
Budaŭnictva sanatoryja (u skład jakoha ŭvachodziać hałoŭny i spalny karpusy) spyniłasia jašče ŭ 1990‑ch hadach z-za niedachopu finansavańnia. U nulavyja abjekt upadabali strajkbalisty i hraficisty. Ciapier ža kompleks znachodzicca na bałansie Haranskaha sielskaha vykanaŭčaha kamiteta.
Płošča hałoŭnaha budynka składaje 6700 kvadrataŭ. Sam budynak, kali hladzieć na jaho źvierchu, nahadvaje trochpramianiovuju zorku. Płanavałasia, što tut budzie basiejn, zona dla SPA, miedycynskija kabiniety. Stupień budaŭničaj hatoŭnaści hetaha abjekta składaje 51%.
Spalny korpus — u try razy mienšy, jon zajmaje 2100 kvadrataŭ. Tut pavinny byli raźmiaščacca numary dla adpačyvalnikaŭ. Na siońniašni dzień jaho hatoŭnaść składaje 69%.
U prydaču da sanatoryja idzie ziamielny ŭčastak płoščaj kala 4 ha z arendaj na 30 hadoŭ. Ziamlu možna vykarystoŭvać dla raźmiaščeńnia abjektaŭ sanatorna-kurortnaha lačeńnia i azdaraŭleńnia, adpačynku, sportu i turyzmu. Darečy, miaściny pobač z sanatoryjem — vielmi malaŭničyja. Tut jość i les, i raka.
Nabyć sanatoryj možna za 204 tysiačy rubloŭ (kala 70 tysiač dalaraŭ). Tarhi projduć u elektronnym vyhladzie i pry najaŭnaści zajaŭnikaŭ adbuducca 30 lipienia.
U Pastavach pradajuć z aŭkcyjona budynak miascovaha hatela
U Viciebsku pradajuć budynak byłoha chiedera, dzie vučyŭsia Mark Šahał
U Dziaržynskim rajonie na aŭkcyjonie pradajucca ruiny staroha chrama z abaviazkam nieadkładna źvieści ich sa śvietu
U Klecku vystaŭleny na aŭkcyjon budynak miascovaj aŭtastancyi
Prapahanda pryčapiłasia da «darahoha» hadzińnika Łatuški. Toj raskazaŭ, što heta za madel nasamreč36
Kamientary