Śpioka bje rekordy, ale z paniadziełka nas astudziać Karpaty

U piatnicu ŭ šaści haradach Biełarusi byŭ pabity tempieraturny rekord lipienia.

Jak paviedamlaje meteoinfo.by, u Viciebsku 23 lipienia było 34,7°C — heta samaja vysokaja tempieratura ŭ lipieni za 78 hadoŭ nazirańniaŭ.

U Sianno (Viciebskaja vobłaść) učora było zafiksavana 34,5°C, što na 0,1°S vyšej za absalutny rekord, ustanoŭleny tut dniom raniej za 66 hadoŭ nazirańniaŭ.

U Kličavie Mahiloŭskaj vobłaści pavietra prahrełasia da 34,7°C — pabity absalutny rekord lipienia za 53 hady nazirańniaŭ. Ciaplej tut było tolki ŭ žniŭni 1992 hoda (36,1°C).

Jašče ŭ dvuch haradach Mahiloŭskaj vobłaści 23 lipienia zafiksavanyja absalutnyja rekordy lipienia za 66 hadoŭ nazirańniaŭ: u Słaŭharadzie — 34,9°S i Kaściukovičach — 35,8°S.

Upieršyniu za 67 hadoŭ nazirańniaŭ pabity taksama tempieraturny rekord lipienia ŭ Žłobinie (Homielskaja vobłaść), dzie ŭ piatnicu było 36,2°S. Bolš vysokaja tempieratura tut nazirałasia tolki ŭ žniŭni 2007-ha — 36,3°C.

U niadzielu, zhodna z prahnozami sinoptykaŭ, terytoryja Biełarusi budzie znachodzicca ŭ ciopłym siektary cykłona z centram nad Bałtyjskim moram, tamu ŭ mnohich rajonach krainy zachavajecca haračaje nadvorje. Miescami projduć karotkačasovyja daždžy z navalnicami. Tempieratura pavietra ŭ načnyja hadziny čakajecca na ŭzroŭni 16–22°S, dniom 30–34°S. Na poŭdni haračynia spadzie da 27–29°S.

U paniadziełak, 26 lipienia, z Karpat na paŭdniovy zachad Biełarusi źmieścicca chałodny atmaśfierny front, jaki pačnie pavolna vyciskać haračaje subtrapičnaje pavietra na paŭnočny ŭschod.

Nočču miescami, a dniom na bolšaj častcy terytoryi Biełarusi čakajucca karotkačasovyja daždžy. U asobnych rajonach navalnicy. Viecier paŭdniova-ŭschodni, ź pierachodam na zachodni 5–10 m/s, pry navalnicach paryvy da 15–20 m/s. Tempieratura pavietra nočču 16–22°S, dniom pa paŭdniova-zachodniaj pałovie prahnazujecca asłableńnie haračyni da 21–28°S, tolki na paŭnočnym uschodzie pavietra prahrejecca da 29–33°S.

Jak paviedamlałasia raniej, žnivień sinoptyki prahnazujuć na 2–3 hradusy chaładniejšym za lipień. «Jość vierahodnaść, što ź siaredziny pieršaha tydnia žniŭnia haračynia adstupić. Taki prahnoz Hidramietcentr robić u suviazi z uzmacnieńniem cykłaničnaj dziejnaści nad Atłantykaj — cykłon budzie prašturchoŭvać vilhotnaje pavietra ŭhłyb kantynienta», — paviedamiła hałoŭny sinoptyk Respublikanskaha hidramieteacentra Volha Fiadotava na pres-kanfierencyi ŭ Minsku 21 lipienia.

• 0
• 0
• 0
• 0
• 0
• 0
• 0
• 0