23 žniŭnia jaho zarehistravali.
23 žniŭnia byŭ zarehistravany sajuz «Za madernizacyju». Metaj novaj arhanizacyi źjaŭlajecca sadziejničańnie pierachodu Respubliki Biełaruś da sučasnych formaŭ arhanizacyi ekanamičnaj, sacyjalnaj i kulturnaj śfier, a taksama padrychtoŭka biełaruskaha hramadstva da majučych adbycca źmienaŭ.
U radu abjadnańnia ŭvajšli dyrektar pryvatnaha pradpryjemstva Viktar Jaŭmiejenka, ekanamist Alaksandr Łukaševič, fiłosaf Ihar Drako, navukoviec Kanstancin Łukašoŭ, pradprymalnik Alaksandr Łykšyn. Na pieršym pasiadžeńni rady byŭ abrany jaho staršynia. Im staŭ palityk, kandydat u prezidenty Biełarusi Aleś Michalevič.
Kamientujučy svajo abrańnie lideram sajuza «Za madernizacyju» i sam fakt stvareńnia takoha abjadnańnia, Aleś Michalevič adznačyŭ: «Biełaruś maje patrebu ŭ ekstranaj madernizacyi. Nam nieabchodna vyjści na inšy ŭzrovień adnosin biznesu i ŭłady, stymulavać kankurencyju na ŭnutranym rynku, rabić staŭku na novyja technałohii, pryciahvać inviestycyi pad navukajomistyja technałohii i raźvivać śfieru pasłuh. Heta adziny vychad ź niaprostaha stanovišča, u jakim apynułasia ekanomika našaj krainy. Ale dla taho, kab adbylisia realnyja źmieny ŭ ekanomicy, treba madernizavać i biełaruskaje hramadstva. A heta, u svaju čarhu, patrabuje refarmavańnia sistemy adukacyi, stymulavańnia asabistaj inicyjatyvy hramadzian, abarony pravoŭ asoby, peŭnaj decentralizacyi ŭłady i pavyšeńnia roli samakiravańnia».
Abjadnańnie budzie dziejničać na stałaj asnovie. Pavodle Alesia Michaleviča, sajuz «Za madernizacyju» ŭ bližejšy čas maje namier inicyjavać šerah prajektaŭ.
Kamientary