Adkaz Ordy. Spadziavańni Milinkieviča

Jašče ŭ pačatku žniŭnia lider Ruchu «Za Svabodu» Alaksandr Milinkievič nakiravaŭ list śpikieru pałaty pradstaŭnikoŭ Uładzimiru Andrejčanku. Palityk zaklikaŭ pryniać papraŭku ŭ vybarčy kodeks, jakaja harantuje pradstaŭnikam kandydataŭ ŭdzieł u padliku hałasoŭ.

Milinkievič nahadaŭ u svaim zvarocie, što ŭ krainie pa‑raniejšamu isnuje pahroza straty niezaležnaści. Kab abaranić suvierenitet i raźvivać ekanomiku, krainie nieabchodna sistemnaje refarmavańnie ŭ palityčnaj, ekanamičnaj i sacyjalnaj śfierach. Hałoŭnym partnioram u pieraŭtvareńniach, pavodle lidera Ruchu «Za Svabodu», moža i hatovy stać Jeŭrapiejski sajuz.

Adkaz nie prymusiŭ siabie doŭha čakać. Prykładna praz dva tydni na adras Ruchu pryjšoŭ list ad namieśnika pastajannaj kamisii pa dziaržaŭnym budaŭnictvie pałaty pradstaŭnikoŭ Michaił Ordy (były kiraŭnik BRSM).

U adkazie na zvarot Alaksandra Milinkieviča zajaŭlajecca, što «deputaty źjaŭlajucca paśladoŭnymi prychilnikami zabieśpiačeńnia adkrytaści i hałosnaści vybaraŭ i hatovyja spryjać udaskanaleńniu vybarčaha zakanadaŭstva ŭ hetym kirunku».

Tym nie mienš, deputaty pačali krychu łukavić, kali kažuć, što davoli «słaba ŭjaŭlajuć miechanizmy pravavoj realizacyi prapanovy».

U svaju čarhu Milinkievič supolna ź jurystam Uładzimiram Łabkovičam raspracavaŭ padrabiaznyja tłumačeńni statusa pradstaŭnika kandydata i kankretny pakrokavy śpis dziejańniaŭ, jakija na svaim uzroŭni zdolnyja ažyćciavić deputaty, kab zakanadaŭča zamacavać novuju normu.

Prapanovy Milinkieviča zvodziacca da taho, što luby kandydat zmoža vyłučać svajho čałavieka ŭ terytaryjalnuju vybarčuju kamisiju, jaki budzie vałodać tymi ž pravami, što i astatnija, aproč hałasavańnia. Taksama zakładajecca prava vyłučać pa adnamu pradstaŭniku ŭ kožnuju ŭčastkovuju kamisiju biez prava admovy.

Paśla rehistracyi kandydata, hety pradstaŭnik stanovicca paŭnapraŭnym siabram kamisii.

Kandydat u Prezidenty Respubliki Biełaruś albo kandydat u deputaty taksama atrymlivaje prava vyłučyć pa adnym pradstaŭniku ŭ kožnuju ŭčastkovuju vybarčuju kamisiju. Orhany, jakija farmujuć učastkovyja vybarčyja kamisii, delehujuć takich asob u skład kamisii ŭ biassprečnym paradku. Siabry kamisijaŭ, jakija vyłučanyja kandydatami ŭ Prezidenty Respubliki Biełaruś, kandydatami ŭ deputaty vałodajuć usimi biez vyklučeńnia pravami i niasuć abaviazki siabraŭ vybarčaj kamisii.

Alaksandr Milinkievič upeŭnieny, što realizacyja hetych normaŭ nie tolki paspryjaje prazrystaści i demakratyčnaści vybaraŭ.

U zaklučeńnie Alaksandr Milinkievič padkreśliŭ, što Pałata pradstaŭnikoŭ pry najaŭnaści na toje palityčnaj voli całkam zdolnaja pryniać źmieny ŭ Zakon padčas adnadzionnaha plenarnaha pasiedžańnia adrazu ŭ dvuch čytańniach. Takija precedenty užo jość.

Milinkievič spadziajecca, što jahonyja prapanovy mohuć być zaćvierdžanyja ŭžo ciaham bližejšaj siesii parłamienta, jakaja adbudziecca ŭ vieraśni.

• 0
• 0
• 0
• 0
• 0
• 0
• 0
• 0