20‑hadovaja žycharka biełaruskaj stalicy abvinavaciła dypłamata ŭ seksualnych damahańniach.
Estonskija ŚMI paviedamlajuć, što časovy kiraŭnik dypmisii hetaj krainy ŭ Minsku Chary Łachtejn padaŭ u adstaŭku ŭ suviazi z seksualnym skandałam. 20‑hadovaja žycharka biełaruskaj stalicy abvinavaciła dypłamata ŭ damahańniach. Ministerstva zamiežnych spravaŭ pryniało jahonaje prašeńnie ab adstaŭcy.
Viečaram u paniadziełak biełaruska dasłała ananimny list u roznyja arhanizacyi, a taksama infarmacyjnyja ahienctvy, dzie apisvaje sutnaść spravy.
Da lista prykładaŭsia dadatak z fotazdymkami, dzie vyjaŭleny Łachtejn z roznymi žančynami ŭ restaranach. Na niekatorych mužčyna trymaje svaich spadarožnic za hrudzi.
U liście było paznačana, što z estoncam dziaŭčyna paznajomiłasia dzieści hod tamu, paśla ž «stała achviaraj jaho seksualnych damahańniaŭ». U znak padziaki dypłamat nibyta zrabiŭ dziaŭčynie, a taksama jaje siabroŭkam, šenhienskija vizy.
Dyrektar restarana «Hości», dzie adpačyvaŭ Łachtejn, Luboŭ Sačyŭka kaža, što sapraŭdy na minułym tydni ŭ ich źjaŭlaŭsia dypłamat u supravadžeńni čatyroch dziaŭčat. Tym nie mienš, pa słovach Sačyŭka, estoniec źjechaŭ z restarana adzin.
Ministr zamiežnych spravaŭ Estonii Urmas Paet zaznačyŭ, što rašeńnie ab adstaŭcy — «svabodny vybar Łachtejna». Što tyčycca fatahrafij, to jon kaža, što jašče ničoha nie dakazana.
Padobny kampramat užo nieadnarazova ŭspłyvaŭ na inšych dypłamataŭ, što pracavali ŭ Biełarusi. Zvyčajna takija skandały inśpirujucca śpiecsłužbami.
-
Na Biełastoččynie prajšoŭ fiestyval biełaruskaj tradycyi Soncahraj FOTY
-
Žonka Alaksandra Milinkieviča raskazała pra jahony stan: pamiać zachavałasia, ale z ruchalnym aparatam vialikija prablemy
-
«Ja ŭ kałonii byŭ bolš volny». Były palitviazień Tamaz Pipija raskazaŭ pra 6 hadoŭ za kratami i novuju paranaidalnuju biełaruskuju realnaść
Kamientary