U Minsku adbyłasia sustreča dakładčyka pa Biełarusi Kamisii pa palityčnych pytańniach PARIE S.Churskajnen ź liderami apazicyjnych partyj.
U Miensku adbyłasia sustreča dakładčyka pa Biełarusi Kamisii pa palityčnych pytańniach Parlamenckaj Asamblei Rady Eŭropy Siniki Churskajnen ź liderami apazycyjnych partyj.
Na sustrečy prysutničali staršynia AHP Anatol Labiedźka, staršynia PBNF Alaksiej Janukievič, staršynia «Spraviadlivaha śvietu» Siarhiej Kalakin, lider BCHD Vital Rymašeŭski i lider ruchu «Za svabodu» Alaksandar Milinkievič. Jany pieradali kalektyŭny zvarot.
Pa čarzie, pradstaŭniki apazycyi raspaviali pra svajo bačańnie sytuacyi ŭ krainie. U pryvatnaści, Alaksandar Milinkievič skazaŭ, što jon — za kantakty z Eŭropaj, ale suprać taho, kab Biełaruś puścili ŭ Eŭropu z «čornaha chodu», i zasiarodziŭ uvahu na prablemie vybaraŭ. Siarhiej Kalakin raspavioŭ historyju stasunkaŭ z Radaj Eŭropy. A za 13 hadoŭ paśla taho, jak Biełaruś pazbavili statusu admysłova zaprošanaj u PARE, prahresu niama. Stanisłaŭ Šuškievič zaklikaŭ Eŭropu dziejničać paśladoŭna. Na jaho dumku, užo navat Rasieja asensavała ŭ niekatoraj stupieni toje, što adbyvajecca ŭ Biełarusi, a Eŭropa nie zaŭsiody robić paśladoŭna.
Paśla taho, jak vykazalisia usie pradstaŭniki partyjaŭ, sustreča praciahvałasia ŭ farmacie «sam-nasam», žurnalisty nie prysutničali. Pobač sa mnoj lider AHP Anatol Labiedźka. Spadar Anatol, kali nie sakret, ci razumieje spadarynia Churskajnen biełaruskija prablemy?
Labiedźka:
«Nakolki jana razumieje biełaruskuju sytuacyju, my ŭviedajem tolki ŭ vieraśni, kali adbudziecca čarhovaja sesija PARE. Naturalna, jana tudy pryviazie svaju spravazdaču i kankretnyja rekamendacyi.Ja ž uściešany tym, što my vyjšli z ahulnaj pazycyjaj, ahulnym pasłańniem, sutnaść jakoha ŭ nastupnym. My suprać taho, kab pa Biełarusi prymalisia niejkija rašeńni pierad prezydenckaj kampanijaj, što datyčyć skasavańnia statusu admysłova zaprošanaha ci naohuł zaprašeńnia ŭ Radu Eŭropy. My prapanujem stvaryć admysłovuju hrupu z pradstaŭnikoŭ ułady i apazycyi, kab jana vypracavała darožnuju mapu pa źmianšeńni dystancyi pa ŭvachodu Biełarusi ŭ hetyja dźvie mižnarodnyja arhanizacyi. I my vykazalisia za toje, kab u Biełaruś pryjechała jak maha bolš naziralnikaŭ, deputataŭ z PARE, pryčym, na jak maha bolšy termin nazirańnia. Vyniki budziem padsumoŭvać u vieraśni».
U sieradu ŭ spadaryni Siniki Churskajnen adbuducca sustrečy ź ministram justycyi, hienprakuroram i staršyniom kamisii parlamentu.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam25
Kamientary