U Ašchabadzie demantavali
Manumient «Arka niejtralitetu» byŭ adkryty ŭ 1998 — u treciuju hadavinu pryniaćcia rezalucyi AAN, što paćvierdziła niejtralny status dziaržavy. Da śviata Dnia niejtralitetu (12 śniežnia) budzie demantavanaja i sama arka.
Upieršyniu pra rašeńnie demantavać «Arku niejtralitetu» i pabudavać inšuju druhi prezident Turkmienii Hurbanhuły Bierdymuchamiedaŭ abviaściŭ u 2008 — praz hod paśla abrańnia jaho ŭ lutym 2007 prezidentam.
Da hetaha času ŭžo źnikła zhadka Turkmienbašy ŭ dziaržaŭnym himnie i patryjatyčnaj klatvie. Źnikli z vulic šmatlikija partrety Nijazava i biusty u budynkach dziaržaŭnych arhanizacyj i ŭstanovaŭ. Miesiacu studzieniu, nazvanamu za Nijazavym «turkmienbašy», viarnuli nazvu hryharyjanskaha kalendara. U śviatočny kalandar viarnuŭsia Žanočy dzień 8 sakavika, jaki pry Nijazavu adznačaŭsia ŭ dzień naradžeńnia jahonaj maci.
Metazhodnaść demantažu «Arki niejtralitetu» i budaŭnictva novaha manumienta niejtralitetu ŭ pieradhorjach Kapietdaha Bierdymuchamiedaŭ paćvierdziŭ u studzieni 2010 svajoj pastanovaj. Pa słovach prezidenta, «na poŭdni stalicy biare pačatak praśpiekt niejtralitetu, i tamsama farmujecca novy sučasny architekturny ansambl».
Jak paviedamili ŭ meryi, skulptury Turkmienbašy na novym manumiencie nie praduhledžvajecca. U adpaviednaści z pastanovaj Bierdymuchamiedava, vyšynia novaha manumienta składzie 95 mietraŭ i budzie ŭpryhožanaja arnamientam piaci turkmienskich plamionaŭ, hetak ža jak hierb i ściah krainy.
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary