Nahodaj stała skarha hłybockaha načalnika ideałahičnaha adździeła.
Tolki ŭranku aktyvista dapytvali pavodle skarhi rajonnaha «ideolaha», a pa abiedzie ŭžo ŭručyli pastanovu z papiaredžańniem dy pahrozaj sudovaha pakarańnia.
Staršynia rajonnaj supołki Partyi BNF, aktyvist ruchu «Za Svabodu!» Jarasłaŭ Biernikovič uražany aperatyŭnaściu prakurorskich rabotnikaŭ. A taksama metadami pracy prakuratury, jakaja papiaredziła pra niedapuščalnaść parušeńnia zakonu pra masavyja mierapryjemstvy, nie vyjaviŭšy faktu pravaparušeńnia.
U aficyjnaj papiery, jakuju spadar Biernikovič atrymaŭ praz 6 hadzin paśla hutarki z vykonvajučym abaviazki prakurora I.S.Vałyncom, napisana, što aktyvista mohuć pryciahnuć da sudovaj adkaznaści pavodle artykułu 23.34, kali jon nadalej budzie ładzić niesankcyjanavanyja masavyja akcyi.
Mienavita niesankcyjanavanaj akcyjaj, na dumku zahadčyka idealahičnaha adździełu Hłybockaha rajvykankamu Michaiła Čarapkoŭskaha, byŭ bardaŭski fest, pryśviečany pamiaci Łarysy Hienijuš. «Ideolah» napisaŭ skarhu ŭ prakuraturu, kab tam dali pravavuju acenku ŭčynku Jarasłava Biernikoviča, jaki byŭ adnym z arhanizataraŭ festu.
Zrešty, ułasna bardaŭskaj imprezy i nie było: mierapryjemstva było zaplanavanaje na 25-ha lipienia ŭ prahramie parafijalnaha festu śviatoj Hanny kala kaściołu ŭ vioscy Mosar. Adnak niezadoŭha da pačatku ksiondz-probašč Uładzimier Šymukovič paviedamiŭ, što zabaraniaje pravodzić kancert. Jarasłaŭ Biernikovič bačyŭ, što niepasredna pierad tym z ksiandzom mieli havorku načalnik idealahičnaha adździełu Michaił Čarapkoŭski i staršynia Ŭdzielskaha sielsavietu Viktar Karman.
Farmat imprezy daviałosia pamianiać: zamiest arhanizavanaha kancertu zładzić siabroŭskuju viečarynu na voziery.
Za śpievy kala vohnišča prakuratura nikoha nie pryciahnuła da sudovaj adkaznaści, ale adreahavała na «syhnał» z rajvykankamu, papiaredziŭšy Jarasłava Biernikoviča na budučyniu.
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary