MZS Litvy: Ułady Biełarusi pavinny raźviejać sumnievy ŭ śmierci Biabienina
Ministerstva zamiežnych spravaŭ Litvy 7 vieraśnia zaklikała Biełaruś staranna rasśledavać abstaviny śmierci žurnalista Aleha Biabienina.
«MZS Litvy naziraje za situacyjaj (…). My ličym, što ŭ intaresach samoj ułady Biełarusi staranna daśledavać pryčyny śmierci Biabienina, infarmavać hramadstva i raźviejać mahčymyja sumnievy ŭ suviazi z abstavinami jaho śmierci», — kažacca ŭ aficyjnym kamientary MZS, padkreślivajučy, što «abstaviny śmierci žurnalista, zasnavalnika apazicyjnaha sajta charter97.org, vyklikali nieadnaznačnuju reakcyju ŭ biełaruskim hramadstvie».
Nahadajem, što cieła zasnavalnika i kiraŭnika sajta charter97.org Aleha Biabienina było znojdziena paviešanym 3 vieraśnia na jaho leciščy pad Mienskam. Pravaachoŭnyja orhany paśpiašalisia paviedamić, što heta samahubstva. Adnak kalehi žurnalista paviedamlajuć, što śmierć Aleha Biejabienina vyklikaje šmat pytańniaŭ. Sudmiedekśpierty błytajucca navat u dacie nadychodu śmierci žurnalista. Aleh Biabienin nie pakinuŭ paśla siabie nijakaj zapiski. Jon byŭ poŭny płanaŭ. U žurnalista zastalisia žonka i dvoje synoŭ. Jon byŭ asnoŭnym čalcom kamandy apazycyjnaha kandydata ŭ prezidenty Andreja Sańnikava.
Ciapier čytajuć
Prapahandysty pakazali mocna schudniełaha Vasila Vieramiejčyka15
Kamientary