Padčas svajho vizitu ŭ Miensk, ministr zamiežnych spraŭ Polščy Radasłaŭ Sikorski sustreŭsia z vykonvajučaj abaviazki kiraŭnika niepryznanaha ŭładami Biełarusi Sajuzu palakaŭ Anžalikaj Arechva.Sustreča adbyłasia ŭ budynku polskaj ambasady.
Jak paviedamiŭ u razmovie z karespandentam «NN» siabra Rady arhanizacyi, Andrej Pačobut, vizit spadara ministra Sikorskaha ŭ Biełaruś i sustreču z kiraŭnictvam SPB u arhanizacyi razhladajuć jak pazityŭnuju źjavu. «My nie viedajem, ab čym havaryli ministry zamiežnych spraŭ Polščy i Niamieččyny z Łukašenkam za zakrytymi dźviaryma. Adnak na supolnaj sustrečy z žurnalistami było adznačana, što sprava nacyjanalnych mienšaściaŭ u Biełarusi, u tym liku i stan SPB, heta nie prablema tolki dźviuch krain, Polščy i Biełarusi, ale prablema uzajemnych stasunkaŭ Biełarusi i ES. Ab hetym havaryŭ Hida Vestervele i dla nas važna, što Radasłaŭ Sikorski zmoh vyvieści prablemu z pravami nacyjanalnych mienšaściaŭ u Biełarusi na uzrovień, vyšejšy, čym uzrovień adnosin pamiž dźviuma krainami», — zaznačyŭ spadar Pačobut.
Andrej Pačobut, adnak, ličyć, što varta pačakać realnych vynikaŭ sustrečy Vestervele i Sikorskaha z Łukašenkam. «My nie viedajem, što abmiarkoŭvałasia za začynienymi dźviaryma, jakija prablemy ŭzdymalisia i što było vynikam pieramovaŭ, tamu varta čakać na realnyja kroki z abodvuch bakoŭ», — havoryć A.Pačobut.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm10
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2626
Kamientary