Staršynia vybarkama — siabru kamisii: Zakryjcie rot, vy tut nichto
Iryna Śmiejan‑Siemianiuk apisvaje pieršaje pasiadžeńnie vybarkama.
Iryna Śmiejan‑Siemianiuk z Partyi BNF uklučana ŭ skład učastkovaj kamisii №104 Maskoŭskaha rajona stalicy. Voś jak jana apisvaje pieršaje pasiadžeńnie vybarkama.
Siońnia pajšła na pieršaje pasiedžańnie učastkovaj kamisii № 104 maskoŭskaha rajona h.Minska.
Kali ja pryjšła ŭ škołu, dzie znachodzicca kamisija, mianie ŭžo čakali kala ŭvachodu, dyrektar škoły i kuča ciotak :) Pabačyli mianie, pačali kipišyć, karaciej usia ŭvaha tolki da mianie :)
Paradak dnia na pasiedžańni:
1. vybary staršyni;
2. vybary namieśnika;
3. vybar sakratara.
Pieršaje pytańnie viała ciotka z administracyi Maskoŭskaha rajona, vybrali staršyniu: za — 11, suprać — 1, ustrymalisia — 0.
Dalej pasiedžańnie pačaŭ vieści hety mužčyna, i pastaviŭ na razhlad druhoje pytańnie, dzie za prahałasavała 11 i jon kaža, što rašeńnie pryniataje adzinahałosna, ja kažu: «Jak adzinahałosna? Ja nie hałasavała i pa praviłach vy pavinny zapytać chto — «za», chto — «suprać» i chto «ŭstrymaŭsia».
Na heta jon mnie skazaŭ, što ja tut nichto i kab ja zakryła rot. Ja vielmi spakojna adkazała, što zhodna z vybarčym kodeksam rašeńnie prymajecca kalehijalna i što nie treba hrubaściej. Akazvajecca jon dumaŭ, što mianie buduć ŭ kamisiju prymać jany. Ja patłumačyła, što mianie ŭžo pryniali i što takoje rašeńnie nie jany prymajuć, a administracyja Maskoŭskaha rajona, žančyna z administracyi heta paćvierdziła.
Kali razhladałasia treciaje pytańnie ja prapanavała siabie. Viadoma, mianie nichto nie vybraŭ.
Karaciej, tam taki mižsabojčyk: BRSM, Biełaja Ruś, Čyrvony kryž, Partyja žančyn, dva čałavieki zboram podpisaŭ i nastaŭniki, adzin adnaho vielmi dobra viedajuć, nie pieršy raz razam.
Na pytańnie, kali budzie druhoje pasiedžańnie, staršynia adkazaŭ : Kali pryznaču, tady i budzie. Ja abaviazała ich mnie patelefanavać i papiaredzić.
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary