Dniami ŭ maskoŭskim vydaviectvie «Partyzan» śviet pabačyła kniha «Alaksandr Łukašenka. Palityčny partret».
Dniami ŭ maskoŭskim vydaviectvie «Partyzan» śviet pabačyła kniha «Alaksandr Łukašenka. Palityčny partret». Jaje aŭtar viadomy biełaruski palityčny ahladalnik Valery Karbalevič.
Na 720 staronkach aŭtar sprabavaŭ daśledavać fienomien Łukašenki, jak hetamu čałavieku na praciahu takoha vialikaha času atrymlivajecca zastavacca va ŭładzie, jak adbyvałasia farmiravańnie hetaj sistemy.
Možna skazać, što heta tolki treciaja padobnaja kniha. Raniej partret Łukašenki sprabavali stvaryć Śviatłana Kalinkina i Pavieł Šaramiet «Vypadkovy prezident», a taksama Alaksandr Fiaduta «Alaksandr Łukašenka. Palityčnaja bijahrafija». Tym nie mienš, možna havaryć, što kniha Karbaleviča bolš uzvažanaja i mienš subjektyŭnaja za papiarednija.
U Valeryja Karbaleviča niama niejkich asabistych rachunkaŭ z kiraŭnikom dziaržavy, tamu i da pracy jon prystupaŭ nie ŭ paryvie emocyjaŭ, a jak surjozny daśledčyk.
Prezientacyja knihi adbyłasia 11 listapada. Na jaje pryjšło dastatkova viadomych ludziej — Uładzimir Niaklajeŭ, Anatol Labiedźka, Alaksandr Kazulin, Stefan Eryksan, Alaksandr Kłaskoŭski, Valancin Akudovič.
U svajoj nievialikaj pramovie Karbalevič pasprabavaŭ adkazać na tyja pytańni, što zadavalisia ŭ knizie. Naprykład, kali sydzie Alaksandr Łukašenka?
«Jon nie moža syści. Tak nazyvajecca apošni raździeł hetaj knihi, — kaža aŭtar. Jon źjaŭlajecca nie tolki stvaralnikam, ale i zakładnikam toj sistemy, jakuju stvaryŭ. Hetaja sistema moža isnavać tolki pakul jon sam va ŭładzie. Kali vyrvać hety elemient, to i sistema razvalicca. Ja liču nieabhruntavanyja tyja śćvierdžańni, što za Łukašenka moža pryjści jašče horšy prezident».
Analityk Alaksandr Kłaskoŭski, jaki
nazvaŭ knihu «žorstkaj, surovaj, ale abhruntavanaj»,nie pahadziŭsia tut z aŭtaram. Na jahonuju dumku, nielha spadziavacca, što sistema tak chutka źniknie, bo za joj stajać i zvyčajnyja ludzi. Knihu Kłaskoŭski paraiŭ uvažliva vyvučać, kab «chimiery aŭtakratyi nie paŭstali znoŭ».
Valery Karbalevič padkreślivaje, što nie vieryć u mahčymaść pierajemnika, ci dobraachvotnaj zdačy ŭłady. «Jon budzie kiravać krainaj, pakul u jaho jość siły. Miarkujučy pa ŭsim, jahonaja palityčnaja bijahrafija nie kančajecca. Tamu heta kniha nie tolki pra minułaje, ale i pra budučyniu», — taki nieaptymistyčny prahnoz ad Karbaleviča.
Kandydat u prezidenty Uładzimir Niaklajeŭ, jaki pračytaŭ knihu jašče viasnoj, na heta ź śmiecham skazaŭ. «Nu, dziakuj, Karbalevič!». Tym nie mienš, lidar kampanii «Havary praŭdu» vykazaŭ reśpiekt aŭtaru za praroblenuju pracu.
«U knizie, jak u prazrystych skryniach, bačnyja ŭsie tyja pracesy, što adbyvalisia ŭ našym hramadstvie», — skazaŭ U.Niaklajeŭ.
Na dumku Karbaleviča, 16 hadoŭ kiravańnia Alaksandra Łukašenki dazvolili lepš zrazumieć biełaruskaje hramadstva. «Jon zmoh vyklikać nie samyja lepšyja rysy charaktaru biełarusaŭ i pa‑majstersku hrać na ich», — kaža stvaralnik.
Kniha vyjšła ŭ vydaviectvie Paŭła Šaramieta, u Biełarusi ŭsie pabajalisia jaje drukavać. Vidavočna, što nie stanie jana i na palicy centralnych kniharniaŭ. Ale ŭ tym, što popyt zajmieje, to sumniavacca nie davodzicca.
Darečy, kniha na dźvie traciny prafinansavanaja samim aŭtaram. Darečy, fiłosaf Valancin Akudovič vykazaŭ, jak padajecca słušnuju krytyčnuju zaŭvahu, što da nazvy, bo jana faktyčna dubluje fiadutaŭskuju.
Zrešty, amal usie pazyčyli aŭtaru napisać jašče adnu knihu, ale ŭžo pra nastupnaha prezidenta Biełarusi.
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary