Biełaruskija deputaty prapanujuć uvieści poŭnuju zabaronu na rekłamu piva i abmiežavać rekłamu łatarej.
Takija inicyjatyvy prahučali siońnia ŭ Avalnaj zale na pasiadžeńni šostaj siesii Pałaty pradstaŭnikoŭ pry abmierkavańni zakonaprajekta ab uniasieńni papravak u niekatoryja zakony pa pytańniach rekłamy.
Na dumku deputata Hienadzia Davydźki, r
ekłamu słabaałkaholnych napitkaŭ, u tym liku piva, treba poŭnaściu zabaranić.
Adnak ministr handlu Valancin Čakanaŭ vielmi aściarožna pastaviŭsia da hetaj inicyjatyvy, padkreśliŭšy, što pryniata ŭžo dastatkova mier pa abmiežavańniu rekłamy piva (zabarona na rekłamu piva, akramia tavarnaha znaka i nazvy, pa TB z 7.00 da 20.00) i ŭviadzieńnie poŭnaha tabu moža niehatyŭna adbicca na rabocie pradpryjemstvaŭ — vytvorcaŭ takich napitkaŭ, a ich u Biełarusi niamała. Razam z tym ministr pahadziŭsia z prapanovaj deputata Łarysy Vieršałovič pierahledzieć čas, na praciahu jakoha rekłama piva zabaroniena, i pradoŭžyć jaho z 7.00 da 22.00. Valancin Čakanaŭ paabiacaŭ taksama pryniać da viedama prapanovu deputata Uładzimira Zdanoviča ab tym, kab ałkaholnyja napitki ŭ Biełarusi pry prodažy abaviazkova ŭpakoŭvali ŭ nieprazrystuju ŭpakoŭku.
Deputaty taksama źviarnuli ŭvahu na šyrokaje raspaŭsiudžvańnie apošnim časam rekłamy łatarej i kazino.
Pieršaja, na ich dumku, stanovicca zanadta nazojlivaj i, pavodle słoŭ deputata Alaksandra Juškieviča, farmiruje pamyłkovyja žyćciovyja ŭstanoŭki, pierakonvajučy moładź, što ŭsiaho ŭ žyćci možna dabicca nie pracaj, a kuplaj łatarejnaha bileta. A rekłama kazino, na dumku deputata Łarysy Vieršałovič, naohuł niedapuščalnaja, pakolki moža sadziejničać farmiravańniu ihravoj zaležnaści. U adkaz na hetu zaŭvahu ministr Valancin Čakanaŭ prainfarmavaŭ, što dziejnaść kazino ŭ Biełarusi aficyjna dazvolena, adpaviedna, ich rekłama całkam zakonnaja.
Usie ŭniesienyja parłamientaryjami prapanovy i zaŭvahi buduć razhledžany pry padrychtoŭcy zakonaprajekta ab uniasieńni papravak u niekatoryja zakony pa pytańniach rekłamy da pryniaćcia ŭ druhim čytańni.
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary