Patryjarch maskoŭski i ŭsiaje Rusi Kirył pavinšavaŭ niaźmiennaha prezidenta Biełarusi Alaksandra Łukašenki z čarhovym pieraabrańniem, paviedamlaje RIA «Naviny». Dziejač carkvy zrabiŭ heta, nie čakajučy, pakul Łukašenka pavinšuje prezident Rasii Dźmitryj Miadźviedzieŭ.
«Zajmajučy najvyšejšy dziaržaŭny post, u minułyja hady Vy ščyra słužyli krainie i jaje hramadzianam. Vyniki minułych vybaraŭ pakazali ŭzrovień narodnaha davieru da Vas», — havorycca ŭ vinšavańni patryjarcha, jaki takim čynam vykazvaje rezkaje niazhodu ź mižnarodnaj acenkaj chodu vybaraŭ u Biełarusi, tady jak mižnarodnyja naziralniki adznačyli šmatlikija falsifikacyi, a pa vynikach vybaraŭ byli aryštavanyja praktyčna ŭsie astatnija kandydaty ŭ prezidenty, a taksama viadučyja apazicyjnyja palityki i žurnalisty.
Dahetul Łukašenku pavinšali tolki prezident Irana Machmud Achmadziniedžad, prezident Vieniesueły Uha Čavies, prezident Tadžykistana Emamali Rachmon, kiraŭnik Turkmienii Hurbanhuły Bierdymuchamiedaŭ.
Kamientary