Stomleny, asunuŭsia, ale spakojny.
Advakatka Uładzimira Niaklajeva Tamara Sidarenka sustrełasia z paetam uviečary 27 śniežnia.
U telefonnych razmovach z pravaabaroncami i kalehami palityka jana tolki što (23.00) paćvierdziła heta: «Jon žyvy. Stan narmalny… Nakolki jon moža być narmalny ŭ čałavieka ź jahonymi traŭmami. Asunuŭsia, stomleny, ale spakojny».
Jana adznačaje žoŭty śled ad hiematomy pad vokam i skarhi Niaklajeva na vysoki cisk.
Advakatku Sidarenku dapuścili da padabaronnaha praz tydzień paśla jaho źmiaščeńnia ŭ turmu. Jana prysutničała na dopycie Niaklajeva. Advakatka nie maje prava razhałošvać detali śledstva.
Kandydat u prezidenty Niaklajeŭ byŭ aryštavany u noč z 19 na 20 śniežnia ŭ Bolnicy chutkaj dapamohi. Jon byŭ źmieščany tudy paśla taho, jak jaho źbili ludzi ŭ čornym — mierkavana, bajcy bryhady śpiecyjalnaha pryznačeńnia abr prezidenckaj achovy prykładna, a 19.30 19 śniežnia, kali jašče praciahvałasia hałasavańnie.
Razam ź inšymi 24 asobami jon prachodziać pa spravie ab «masavych biesparadkach», jak łukašenkaŭcy acharaktaryzavali masavyja pratesty suprać falsifikacyi vybaraŭ i ŭzurpacyi ŭłady. Na demanstracyju ŭ Minsku, arhanizavanuju apazicyjnymi kandydatami, vyjšła da 40 tysiač čałaviek.
Kamientary