Piśmieńniki biaruć udzieł u prezientacyjach niezaležnych vydaviectvaŭ.
Piśmieńniki biaruć udzieł u prezientacyjach niezaležnych vydaviectvaŭ, što ładzicca ŭ ramkach 18-ha Minskaha knižnaha kirmaša
Kab pradstavić najbolš biełaruskich knih i aŭtaraŭ, niezaležnyja vydaŭcy abjadnalisia na adnym stendzie. Na ahulnym stendzie buduć knihi vydaviectvaŭ «Łohivnaŭ», «Halijafy», «Limaryus», Źmiciera Kołasa i vydavieckich sieryj Zhurtavańnia biełarusaŭ śvietu «Baćkaŭščyna», časopisaŭ «ARCHE», «Dziejasłoŭ», «pARTisan».
Vydaŭcy arendavali minimalna mahčymuju vystavačnuju płošču (dva kvadratnyja mietry). Ale spadziajucca, što hetaha chopić, kab arhanizavać cikavyja sustrečy.
Hrafik sustreč kala stenda niezaležnych vydaŭcoŭ.
10 lutaha (čaćvier)
14:00 – 16:00 redaktar časopisa «pARTisan» Artur Klinaŭ prezentuje vajenny raman «Šałom».
16:00 – 17:00 Fiłosaf Valancin Akudovič tłumačyć hałoŭnaje pra knihi «Kod adsutnaści», «Archipiełah Biełaruś» .
11 lutaha (piatnica)
14:00 – 16:00 Prezentacyja sieryi histaryčnych knih časopisa «ARCHE», sustreča z vydaŭcom Valeram Bułhakavym.
16:00 – 17:00 Arciom Kavaleŭski čytaje paeziju sa zbornikaŭ «Addalenaść i addanaść», «AdmySŁOVYja hulni».
17:00 – 18:00 – Andrej Chadanovič raskazvaje svaje paetyčnyja «Niesimietryčnyja sny».
12 lutaha (subota)
13:00 – 14:00 Anatol Viarcinski pradstaŭlaje zbornik paezii «Asobnyja radki».
14:00 – 15:00 Aleś Razanaŭ čytaje «Z Vielimira Chlebnikava», «Z apokryfa ŭ kanon», «Vopleski dałanioju adnoju».
15:00 – 16:00 Natałka Babina padpisvaje raman «Rybin horad».
13 lutaha (niadziela)
11:00 – 12:00 Źmicier Kołas pradstaŭlaje knihu Tuve Jansan «Kamieta nad dalinaj mumitrolaŭ» (ilustracyi aŭtarki; pierakład sa šviedskaj – Nastaśsi Łabody i Alesi Bašarymavaj).
12:00 – 13:00 Viera Žybul čytaje lubimyja ŭryŭki sa svajho pierakładu knihi Ljuisa Kerała «Skroź lusterka, i to ŭbačyła tam Alisa» (časopis ARCHE #10-2009).
13:00 – 14:00 – biełaruskija elfy i chobity pradstaŭlajuć kazku Dž. R. R. Tołkina «Kaval ź Vialikaha Vutanu» (pierakład z anhlijskaj – Anton Francišak Bryl).
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary