U Minsku na novym učastku pieršaj linii mietrapalitena ad stancyi «Instytut kultury» da stancyi «Piatroŭščyna» zastałosia pabudavać 560 m tunelaŭ. Učastak składajecca z troch pierahonnych tunelaŭ i troch stancyj — «Hrušaŭka», «Michałova» i «Piatroŭščyna». Pierahonnych tuneli ad «Instytuta kultury» da «Hrušaŭki» hatovyja całkam, ad «Hrušaŭki» da «Michałova» zastałasia prajści 240 m, ad «Michałova» da «Piatroŭščyny» — 320 m pierahonnych tunelaŭ.
Na stancyi «Hrušaŭka» ŭ sakaviku zapłanavana ŭźvieści asnoŭnyja kanstrukcyi. U poŭnym abjomie (biez azdableńnia) hatovyja płatforma i adzin viestybiul na stancyi «Piatroŭščyna», a da siaredziny leta zavieršycca budaŭnictva druhoha viestybiula, płanujuć mietrabudaŭniki.
Na 2011 hod na apłatu rabot «Minskmietrabudu», zakupku abstalavańnia, prajektnyja pracy praduhledžana vydatkavać kala 300 młrd rubloŭ z respublikanskaha biudžeta.
Novy ŭčastk mietrapalitena ad stancyi «Instytut kultury» da stancyi «Piatroŭščyna» maje praciahłaść 5,2 km. Stancyi «Hrušaŭka», «Michałova» i «Piatroŭščyna» stanuć praciaham Maskoŭskaj linii metro ŭ bok Paŭdniovaha Zachadu i raźmieščanyja pa praśpiekcie Dziaržynskaha: «Hrušaŭka» — na skryžavańni z vulicaj Ščorsa, «Michałova» — z vulicaj Hurskaha, «Piatroŭščyna» — z vulicaj Hołubieva.
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary