Biełaruskija ŭłady pavinny «nieadkładna vyzvalić usich palityčnych źniavolenych i skasavać abvinavačańni suprać ich. Heta stała b krokam u nakirunku da adnaŭleńnia dyjalohu ź mižnarodnaj supolnaściu».Z takim zaklikam da aficyjnaha Miensku vystupiŭ siońnia brytanski ministar u pytańniach Eŭropy Devid Lidynhton u specyjalnaj zajavie, pryśviečanaj Biełarusi, abnarodavanaj na sajcie brytanskaha MZS.
«Vialikaja Brytanija ŭ najmacniejšaj formie asudžaje niadaŭnija vyraki spadaram Jaŭhienu Parfiankovu, Dźmitryju Noviku, Alaksandru Małčanavu i Alaksandru Atroščankavu», — padkreślivajecca ŭ zajavie.
Prysudy nazyvajucca palityčna matyvavanymi i niepraparcyjnymi navat vystaŭlenym abvinavačańniam.
Londan taksama zaniepakojeny ciskam na advakataŭ palitźniavolenych i «šakavany» zajavaj byłoha kandydata na prezydenta Alesia Michaleviča ab abychodžańni ź im u turmie KDB. Brytanski ministar zaklikaje biełaruskija ŭłady da «chutkaha, hłybokaha i niezaležnaha raśśledavańnia paviedamleńniaŭ ab katavańniach, fizyčnym prymusie i zapałochvańni».
Kamientary