U BDU šmat nudnych lekcyj. Dyj budynak stary. Zimoj choładna, letam horača.
19-hadovy Kamiła pražyŭ u Biełarusi try hady. Spačatku źbiraŭsia vučycca ŭ BDU, ale praz paru miesiacaŭ paśla pastupleńnia kinuŭ.
Syšoŭ z prestyžnaj śpiecyjalnaści «Mižnarodnyja adnosiny». Zamiest hetaha pačaŭ rychtavacca da pastupleńnia ŭ Jeŭrapiejski humanitarny univiersitet. Ciapier Kamiła Dyjas vučycca na pieršym kursie «Miedyja i kamunikacyi».
Čamu?
«Pryjechaŭ u Vilniu. Pahladzieŭ univiersitet i vyrašyŭ pastupać. Mnie cikava. Mnohija skardziacca, jość svaje niedachopy, ale ŭ cełym padabajecca. Jakaść adukacyi zadavalniaje. Bolšaść vykładčykaŭ dobraha ŭzroŭniu».
Pa słovach Kamiła, vykładčyki ŭ BDU taksama vysokaha ŭzroŭniu. Ale vialikaja kolkaść studentaŭ nie moža mieć ciesnych znosin ź imi, što drenna:
u BDU «vykładčyki, u asnoŭnym, dobryja, ale było šmat nudnych lekcyj. Mnie nie spadabałasia. Da taho ž byli drennyja ŭmovy. Budynak byŭ zusim stary. Zimoj choładna, letam horača. Mnie bolš padabajecca ŭ Vilni».
Na dumku Kamiła, u płanie adpačynku Vilnia nie našmat adroźnivajecca ad Minska. Chiba što litoŭskaja stalica pryvabniej dla amataraŭ načnych kłubaŭ, u jakija Kamiła chodzić nie asabliva časta.
Tym nie mienš, u Vilni chłopiec adčuvaje siabie bolš kamfortna. Moža, i tamu, što
jon paśpieŭ znajści tam dziaŭčynu — taksama studentku EHU.
Baćka Kamiła Amieryka Dyjas Nuńjes, pasoł Vieniesueły ŭ Biełarusi, žadańnie syna vučycca ŭ Vilni ŭspryniaŭ z razumieńniem: «Jon nie toje što ŭzradavaŭsia. Ale zrazumieŭ, što ja ŭžo darosły i mahu sam vyrašać. Raniej ja padarožničaŭ pa Jeŭropie, tamu baćki za mianie nie bajalisia».
Toj fakt, što baćka Kamiła źjaŭlajecca pasłom, chłopiec nie afišuje. Kaža, što heta žyćcio jaho baćkoŭ.
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary