Z takoj zajavaj vystupiłavice-śpikier Savietu Federacyi Rasiei Śviatłana Arłova.
U interviju Interfaksu spadarynia Arłova zajaviła, što ŭ Saviecie Federacyi nie vyklučajuć dalejšaha paharšeńnia sytuacyi ŭ Biełarusi, što moža pryvieści da źviaržeńnia prezydenta Alaksandra Łukašenki svaim narodam.
«Kali Łukašenka nia źmienić svaju pazycyju i nie zrazumieje, što treba zajmacca nie papulisckimi zajavami, a zaniacca ŭščylnuju, surjoznym čynam, raźvićciom rynkavaj ekanomiki i rynkavych adnosin, to prahnoz dla jaho budzie vielmi drenny», — zajaviła Śviatłana Arłova, analizujučy sytuacyju ŭ Biełarusi.
Pavodle jaje słoŭ, navat pry ŭsioj mocy biełaruskaj dziaržaŭnaj prapahandysckaj mašyny, kali ludziam nia budzie čaho jeści i na zarpłatu nia budzie čaho kupić,
to «nijakaje vajennaje stanovišča nia vyratuje Łukašenku».
«I jaho los moža być sumnym. Dastatkova ŭspomnić, što adbyłosia z Mubarakam u Ehipcie», — skazała jana.
Na jaje dumku, adna z pryčyn kryzisu ŭ Biełarusi ŭ tym, što nacyjanalnaja ekanomika tut nie zaznała strukturnych źmien:
«Kryzis u Biełarusi, pierš za ŭsio, nosić systemny charaktar. I, biezumoŭna, da jaho padšturchnuła papulisckaje rašeńnie pra značnaje padvyšeńnie zarobkaŭ i pensij u kancy 2010 hodu», — skazała S. Arłova.
Pa jaje słovach, biaź źniešniaha finansavańnia ŭ vyhladzie kredytaŭ i dachodaŭ ad pryvatyzacyi abo investycyj Biełaruś budzie ruchacca da ekanamičnaj stahnacyi i bankructva. «I kolki b kredytaŭ Biełarusi ni vydzialała Rasieja, prablem heta nia vyrašyć, pakolki ŭsie kredyty vyrašajuć tolki imhniennyja zadačy, ale nie vyrašajuć zadač stratehičnych, na perspektyvu», — skazała jana.
Pry hetym Arłova padkreśliła, što nichto i nikoli nia daść kredytaŭ biaspłatna. «Rasiejski bok całkam abhruntavana stavić pytańnie ab pradstaŭleńni kredytaŭ u abmien na pryvatyzacyju biełaruskich pradpryjemstvaŭ», — padkreśliła jana. Pry hetym jana nazvała niedapuščalnymi zajavy A. Łukašenki na adras rasiejskich ŚMI:
«Z adnaho boku, Łukašenka prosić kredyty ŭ Rasiei, a z druhoha — zajaŭlaje pra toje, što rasiejskim ŚMI budzie zakryty dostup u Biełaruś».
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy16
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary