Vajciuškievič raskazaŭ usiu praŭdu pra šviedskich i biełaruskich mužčynaŭ
Muzyka prezientavaŭ šviedska-biełaruski paetyčna-muzyčny prajekt «Čara» .
Źmicier Vajciuškievič prezientavaŭ šviedska-biełaruski paetyčna-muzyčny prajekt.
«Ja ŭžo bajaŭsia, što hety kancert nie adbudziecca», — padzialiŭsia pieražyvańniami Źmicier Vajciuškievič, pavitaŭšysia z publikaj. 1 červienia ŭ Pałacy kultury vieteranaŭ jon prezientavaŭ u ramkach Dzion šviedskaj kultury šviedska-biełaruski paetyčna-muzyčny prajekt «Čara». Na kancert patrapić možna było pa admysłovych zaprašeńniach ad pasolstva Šviecyi. Hości viečaryny — pasły jeŭrapiejskich krain, biełaruskija i šviedskija litaratary, žurnalisty i błohiery, palitołahi i prosta ščyryja prychilniki talentu Vajciuškieviča — apładysmientami sustreli vitańni muzyki na adras «adnaho paeta, jaki siońnia narešcie z nami». U zali znachodziŭsia były kandydat u prezidenty Uładzimir Niaklajeŭ z žonkaj Volhaj.
Źmicier Vajciuškievič tradycyjna šmat žartavaŭ, choć, jak sam pryznaŭ, prezientavanuju im prahramu da lohkich nie adniasieš. Jon ščyra radavaŭsia za šviedskich haściej, jakija narešcie zmahli na ŭłasnyja vočy pabačyć «čysty Minsk», a za adno i prostych biełarusaŭ, a nie tych, što nie vyłaziać sa Stakholmu.
Kancert prajšoŭ pry poŭnym anšłahu, tamu jaho arhanizatary vyrašyli zładzić dadatkovaje vystupleńnie. Jano adbudziecca tam ža 7 červienia. pa zaprašeńni treba źviartacca ŭ pasolstva Šviecyi (Minsk, Muzyčny zavułak, 1/2) ci na e-mail: [email protected].
«Čara» — pakładzienyja na muzyku vieršy viadomych šviedskich paetaŭ Kataryny Frostensan, Krystofiera Leanduera i Kieneta Klemetsa. Pierakładali vieršy biełaruskija paety i pierakładčyki Ryhor Baradulin, Aleś Razanaŭ i Dźmitry Płaks. Apošniaja ŭ albomie pieśnia napisanaja Andrejem Chadanovičam. Nazyvajecca jana «Biełaruskija mužčyny» i źjaŭlajecca svojeasablivym adkazam na «Šviedskich mužčynaŭ», što im papiaredničajuć.
Pryjemna adznačyć, što da prajektu prykłali ruku i našaniŭcy. Kancertnuju prahramu supravadžaje videašerah, stvorany byłym fatohrafam «Našaj Nivy» Andrejem Lankievičam i videaapierataram «NN» Taćcianaj Haŭrylčyk.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary