Raman Biaśśmiertny ličyć, što pavodziŭ siabie na pasadzie pasła ŭ Biełarusi «zanadta dalikatna»
«Kali chto dumaje, što ja, pakinuŭšy pasadu pasła, raźvitaŭsia z Respublikaj Biełaruś, jon hłyboka pamylajecca».
Zvolnieny z pasady pasła Ukrainy ŭ Biełarusi Raman Biaśśmiertny ličyć, što kazaŭ pra situacyju ŭ krainie jašče «zanadta dalikatna». Jon paćvierdziŭ sa spasyłkaj na svaje krynicy, što asnoŭny kandydat na miesca pasła ŭ Minsku — zvolnieny niadaŭnavice-prem jer Viktar Cichanaŭ.
«Ščyra kažučy, ja adčuvaju tolki, što zanadta dalikatna kazaŭ pra toje, što adbyvajecca ŭ Respublicy Biełaruś… Dumaju, u Kijevie usie ad pačatku razumieli, što Biaśśmiertny nie pryjdzie na inaŭhuracyju dyktatara, voś ja i nie pryjšoŭ», — zajaviŭ jon u intervju haziecie
Pryčyny svajoj adstaŭki Biaśśmiertny nie kamientuje, zajaviŭšy, što «heta prava prezidenta — pryznačać pasła i zvaniać jaho». Były pasoł tolki zajaviŭ, što «byŭ čužym u kamandzie novaj ułady».
«Jany nikoli nie darujuć mnie taho, što adbyvałasia ŭ 2004 hodzie»,— skazaŭ aktyŭny ŭdzielnik Aranžavaj revalucyi Biaśśmiertny.
«Ščyra kažučy, ja rychtavaŭsia da zvalnieńnia ź pieršaha dnia pryjezdu ŭ Minsk… Ja razumieŭ, što rana ci pozna heta adbudziecca, ale chaču dadać:
kali chto dumaje, što ja, pakinuŭšy pasadu pasła, raźvitaŭsia z Respublikaj Biełaruś, jon hłyboka pamylajecca»,— zajaviŭ Biaśśmiertny.
Biaśśmiertny sumniajecca, što dalej budzie pracavać na dypsłužby, i zajaviŭ, što nie budzie bałatavacca ŭ parłamient, choć zastaniecca siabram partyi «Naša Ukraina». «Ja zastajusia siabram partyi «Naša Ukraina». Adzinaje, čaho ja siońnia nie chaču, — heta bałatavacca ŭ Radu», — padkreśliŭ jon.
Palityk ličyć,
što Ukrainie «nie varta pavodzić siabie jak straŭs u pytańni zachavańnia pravoŭ čałavieka».«Dla suśvietnaj hramadskaści vidavočna: kali vy nie chočacie adstojvać jeŭrapiejskija kaštoŭnaści ŭ Biełarusi, heta aznačaje, što vy sami hatovyja ich parušać, i nijakija ekanamičnyja vyhady niedapuščalna abmieńvać na hetyja kaštoŭnaści», — zajaviŭ Biaśśmiertny.
***
Viktar Janukovič zvolniŭ Ramana Biaśśmiertnaha z pasady pasła Ukrainy ŭ Biełarusi 3 červienia. Biaśśmiertnaha pryznačyli pasłom 24 lutaha 2010 hoda.
Jak viadoma, Biaśśmiertny salidaryzavaŭsia ź jeŭrapiejskim dypłamatyčnym korpusam adnosna padziej, jakija adbylisia ŭ Minsku ŭ čas i paśla prezidenckich vybaraŭ.
-
Jakaja budzie damova ZŠA ź Iranam, pakul niajasna, ale biełarusam plavać na detali. Važna, kab jana była
-
«Bolšaja častka siadzić sumlenna, ale cicha». Pavieł Vinahradaŭ pra palitviaźniaŭ, čyje proźviščy nieviadomyja
-
Polski dypłamat raskazaŭ, jak Łukašenka ŭmieje «ačaroŭvać surazmoŭcaŭ» i chto robicca jahonymi achviarami
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB58
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary