Ź inšaha boku, źnižeńnie cany moža znoŭ pryvieści da deficytu paliva.
Alaksandr Łukašenka zapatrabavaŭ z zaŭtrašniaj ranicy źnizić ceny na naftapradukty, samy darahi bienzin pavinien kaštavać nie bolš jak 4,5 tys. rubloŭ.
«Davajcie damovimsia, što paliva z zaŭtrašniaj ranicy budzie nie 5 200, nie 5 100, a maksimum 4500 rubloŭ», — skazaŭ Łukašenka.
«Tamu možacie iści i abviaścić usim: 4500 — heta maksimum», — zajaviŭ jon u sieradu na naradzie pa ekanamičnych pytańniach, paviedamlaje Interfaks.
Razam z tym, Łukašenka adznačyŭ, što ŭ dalejšym cana na bienzin nie budzie rezka raści,
a budzie pryviazanaja da kursa dalara, kali jon ŭstalujecca.
«I da 1 studzienia, kali ŭ nas budzie kurs ci to 5 000, ci to 4 500: kali 4 500 — takim i zastaniecca, kali 5 000 — značyć, da 1 studzienia budziecie pracavać pa cenaŭtvareńni, u kvartał dadajučy pa 2—3%, kali heta treba budzie, ale nie na 30%", — skazaŭ jon. «Voś i ŭsio majo rašeńnie nakont paliva», — zaklučyŭ jon. Łukašenka taksama dadaŭ,
što, mahčyma, pryjdziecca adkručvać ceny i pa inšych hrupach tavaraŭ.
Nahadajem, što ŭčora niekalki socień aŭtamabilistaŭ zabłakavali centr Minska, pratestujučy suprać pavyšeńnia cenaŭ na bienzin, jakoje adbyłosia ŭ noč na 7 červienia.
Cana dyzielnaha paliva vyrasła da 5100 rubloŭ za litr (pavieličeńnie koštu na 30,8%), bienzinu A92 — 5100 rubloŭ za litr (byŭ 3 950, rost na 29,1%), A95 — 5800 rubloŭ za litr (4 350, rost na 33,3%), A80 — 4950 rubloŭ za litr (3 850, rost na 28,6%).
Z pačatku hod rost cen na bienzin skłaŭ 100%. 1 studzienia 2011 hoda litr bienzina A92 składała 2 520 rubloŭ.
Novyja ceny na aŭtamabilnaje paliva buduć vyhladać nastupnym čynam:Pavodle infarmacyi, atrymanaj karespandentam nn.by ad supracoŭnicy kancerna «Biełnaftachim», dla ŭstanaŭleńnia cenaŭ była sklikanaja terminovaja narada.Dyziel — 4450 rubloŭ za litr (raniejšy košt — 5100 rubloŭ). Źnižeńnie cany — 13%
N80 — 4000 (4950). minus 19%
A92 — 4200 (5100). minus 18%
A95 — 4500 (5800). minus 22%
Kiraŭnictva «Biełnaftachima» jašče padčas papiaredniaha rostu cenaŭ na paliva prasiła ŭstalavać ceny na ŭzroŭni 5500–6000 rubloŭ za litr paliva.Mierkavałasia, što padaražańnie składzie 45%. Pradstaŭniki Ministerstva ekanomiki nie dazvolili padniać ceny tak vysoka, prapanavaŭšy spynicca na ŭzroŭni 30%. Kab praz
Pakul nieviadoma, źnižeńnie cany adbudziecca za košt źmianšeńnia akcyzaŭ (u takim vypadku hrošy zhubić biudžet) albo niepasredna za košt prybytku «Biełnaftachima».Pry apošnim varyjancie naftapierapracoŭka stanie dla kancerna kančatkova niavyhadnaj.
U lubym vypadku źnižeńnie cany moža pryvieści da deficytu paliva pa ŭsioj Biełarusi.
Miarkujecca, što znoŭ budzie ŭviedziena abmiežavańnie na abjom adzinarazovaj zapraŭki (20 ci 25 litraŭ).
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary