Vystup Rockerjoker u Polščy vyklikaŭ skandał
Častka hledačoŭ aśvistała ich z krykami «Padonki».
Kancert dueta Rockerjoker ź Biełarusi ŭ Lublinie na akcyi «Noč kultury» vyklikaŭ nieadnaznačnuju reakcyju. Častka hledačoŭ horača pryvitała haściej kancerta, a častka aśvistała z krykami «Padonki».Biełaruski studencki asiarodak u Lublinie zajaviŭ pra svajo abureńnie z nahody zaprašeńnia aŭtaraŭ pieśni «Sania ostanietsia s nami».
Duet ź Biełarusi vystupaŭ na vialikaj scenie na Litoŭskim placy ŭ samym centry Lublina. Arhanizatary vyrašyli, što Rockerjoker zakryje kancert u miežach maštabnaj akcyi «Noč kultury», pryśviečanaj udziełu Lublina u konkursie na zvańnie kulturnaj stalicy Jeŭropy — 2016.
«Heta byŭ šykoŭny kancert na šykoŭnym mierapryjemstvie, — apaviadaje ŭdzielnik Rockerjoker Maks Siry.— Nie viedajem, čamu nas vystavili hrać apošnimi, ale było sapraŭdy kruta, na płoščy sabrałasia niekalki tysiačaŭ čałaviek. Nas horača padtrymlivali, kryčali nazvu našaj krainy, vyklikali na bis».
Ale častcy hledačoŭ zaprašeńnie Rockerjoker u Lublin pryjšłosia nie daspadoby. Vychad na scenu muzykaŭ ź Biełarusi šerah biełaruskich studentaŭ, jakija vučacca ŭ hetym horadzie, sustreŭ krykami «Padonki» i apuščanymi dołu vialikimi palcami ruk.
Na infarmacyjnaj staroncy Moje Miasto Lublin źjaviŭsia list adnaho z udzielnikaŭ stychijnaj akcyi na Litoŭskim placy: «Hety hurt viadomy ŭ Biełarusi pieśniaj pad nazvaj «Sania ostanietsia s nami», jakaja stała himnam vybarčaj kampanii dyktatara Alaksandra Łukašenki.
Jak vialiki cynizm u dačynieńni da palitviaźniaŭ dy ich siemjaŭ moža być acenienaje vykanańnie hetaj kamandaj šansonu na rasiejskaj movie[ŭ Lublinie]».
Hety list padpisaŭ student Lublinskaha katalickaha ŭniviersiteta Viktar Šukiełovič.
«Dadzieny list nie vyklikaje ŭ mianie anijakich emocyj, — adkazaje jamu Maks Siry. — Junacki maksimalizm. Ciemrašalstva. Adnabakovaść. Palityzavanaść.Skažonyja fakty. A što da kancerta, to dziakuj polskaj publicy i arhanizataram. My ščyra ździvilisia takomu pryjomu i radyja tamu, jak nas vitali. Spadziajemsia, što ŭ nas na radzimie takija mierapryjemstvy stanuć realnaściu».
U Internecie tym časam chodzić parodyja na «Sania ostanietsia s nami». Jana raźmieščana na servisieJu-Tub . Hołas naležyć viadomamu biełaruskamu śpievaku.
-
«Mnohija nie viedajuć, što my biełarusy». Muzyki ź Sierabranki zaśpiavali pa-francuzsku i stali zorkami
-
Žonka Kańje Uesta ŭ nadta śmiełym naradzie i mascy koški prahulałasia pa centry Tbilisi pad ručku z mužam FOTAFAKT
-
Jakija čysta biełaruskija žanry možna znajści na najbolš poŭnaj muzyčnaj karcie śvietu?
Kamientary