Siońnia ŭ Biełarusi bieśpieraškodna raspaŭsiudžvajucca i pracujuć usie rasijskija ŚMI, zajaviŭ dziaržaŭnamu ahienctvu BIEŁTA kiraŭnik Administracyi prezidenta Biełarusi Uładzimir Makiej.
Tak čynoŭnik prakamientavaŭ paviedamleńni niekatorych rasijskich ŚMI ab tym, što palityka ŭładaŭ Biełarusi ŭ dačynieńni da rasijskich žurnalistaŭ stavić pad pahrozu vydzialeńnie Minsku kredytu. Pra heta, u pryvatnaści, 11 červienia paviedamiła RIA Novosti sa spasyłkaj na krynicu ŭ Kramli.
«Na terytoryi Biełarusi pryniaty čarhovyja abmiežavalnyja miery adnosna rasijskich srodkaŭ masavaj infarmacyi», — kanstatavała krynica. «Takoje rašeńnie biełaruskich uładaŭ, biezumoŭna, jak raniej i papiaredžvałasia, uskładnić kredytavańnie Biełarusi z boku Rasii», — paviedamiła jana.
«Heta ŭžo stała kiepskaj tradycyjaj z boku našych siabroŭ. U čarhovy raz nienazvanaja „krynica ŭ Kramli“ infarmuje, dakładniej — dezinfarmuje, hramadskaść ab tym, što chtości ŭ Biełarusi robić štości kiepskaje suprać Rasii, — skazaŭ u svaju čarhu Makiej. — A paśla hetaha iduć zajavy ŭ duchu ščyraha šantažu».
«Zaŭvažcie, i krynica chavajecca za maskaj, i kankretnyja abmiežavalnyja miery nie nazyvajucca. Tamu što ich i zavadu niama. Heta — absalutnaja biazhłuździca», — cytuje BiełTA kiraŭnika Administracyi prezidenta.
«Naadvarot, z ulikam našych blizkich adnosinaŭ my zapluščvajem vočy na ščyryja parušeńni šeraham rasijskich ŚMI biełaruskich zakonaŭ, dy i prosta čałaviečaj marali i žurnalisckaj etyki.
Kali spatrebicca, my možam abnarodavać kankretnyja fakty padrychtoŭkiniekatorymi akredytavanymi ŭ Biełarusi rasijskimi ŚMI niehatyŭnych materyjałaŭ ab našaj krainie pa ŭkazcy źvierchu. Pryčym z kankretnymi imionami», — adznačyŭ Makiej.
«Kali my — siabry, to i razmaŭlać treba niepasredna adzin z adnym adkryta, prosta i sumlenna,a nie chavacca za maskaj i zapuskać u presu dezinfarmacyju z elemientami ščyraha šantažu», — reziumavaŭ čynoŭnik.
Nahadajem, 27 maja na naradzie ab biahučaj situacyi na spažyvieckim i valutnym rynku Biełarusi
Alaksandr Łukašenka zapatrabavaŭ zakryć šerah srodkaŭ masavaj infarmacyi, u tym liku rasijskich, faktyčna abvinavaciŭšy ich u nahniatańni ŭ Biełarusi ažyjatažnaha popytu na valutu i tavary.
«Bolš za ŭsio isteryi ŭ rasijskich srodkach masavaj infarmacyi, — zajaviŭ Łukašenka. — Ja naziraju za našymi, pierš za ŭsio zamiežnymi, jakija tut dziakujučy Administracyi prezidenta stali panujučymi srodkami masavaj infarmacyi, i za zamiežnymi. Na druhim miescy — našy, jakija vydajucca tut. Ja ich nie nazyvaju, kab nie stvarać im rejtynh, ale zrabicie ŭsio, kab hetyja ŚMI bolš nie prysutničali na našaj terytoryi». «I nie tamu, što my chočam zakryć rot. Nie, — pradoŭžyŭ kiraŭnik dziaržavy. — Padkreślivaju: ja za imi ŭvažliva naziraŭ, uvieś ažyjataž pačaŭsia adtul».
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary