U Švecyi startavaŭ moładzievy čempijanat śvietu pa chakiei. Biełarusy pačali jaho ź pieramohi nad Suomi.
Siońnia ŭ Švecyi startavaŭ moładzievy čempijanat śvietu pa chakiei z šajbaj. 10 kamandaŭ raźbityja na dźvie padhrupy.
U pieršym matčy zbornaja Biełarusi (hałoŭny trenier — Eduard Zankaviec) pieramahła kamandu Finlandyi ź likam 4:3. Matč prachodziŭ u horadzie Mora.
Lik pa peryjadach: 1:1, 0:1, 3:1. Biełarusy pieršymi zakinuli šajbu. Zrabiŭ heta Michaś Stefanovič (CHK «Homiel») na 7‑j chvilinie hulni. Potym Michaś zakinuŭ jašče adnu šajbu dy asystavaŭ Juryja Iljinu («Chimvałakno»). Jašče adna šajba na rachunku Siarhieja Kaścicyna («Łondan Najts», Kanada).
Siońnia ŭ našaj padhrupie «V» adbudziecca jašče adzin matč. A 20‑j viečara pavodle mienskaha času vyjduć na lod zbornyja Čechii i Rasiei.
U padhrupie "A" hulajuć zbornyja Kanady, ZŠA, Švecyi, Słavakii, Niamieččyny.
Zaŭtra, 27 śniežnia, biełarusy zhulajuć sa zbornaj Švajcaryi (pačatak a 17‑j), a 29 śniežnia — hulnia hodu. Supermatč suprać zbornaj Rasiei (pačatak a 18‑j).
30 śniežnia zaklučny matč hrupavoha turniru sa zbornaj Čechii. Pačatak a 14‑j.
Kab trapić u nastupny raŭnd i praciahnuć baraćbu za medali, treba zaniać u svajoj padhrupie miesca nie nižej za treciaje. U advarotnym vypadku daviadziecca hulać u turniry niaŭdačnikaŭ, pa vynikach jakoha dźvie kamandy zastajucca ŭ elicie, a dźvie vylatajuć u dyvizijon ranham nižej.
Adznačym, što letaś biełarusy zavajavali pucioŭku ŭ najvyšejšy dyvizijon, a voś pazaletaś — raźvitalisia. Areli!
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary