U pieralik, apublikavany na sajcie Minfina, uvajšli takija bujnyja pradpryjemstvy, jakBiełAZ, Minski matorny zavod, MAZ, «Babrujskahramaš», «Homielškło», «Kieramin», Mazyrski NPZ, «Naftan», Barysaŭski zavod miedycynskich preparataŭ, «Łakafarba», «Biełviest», «Atłant», «Mahateks», čatyry cukrovyja zavody, Hrodzienskaja tytuniovaja fabryka «Nioman» i inšyja.
U dačynieńni da hetych jurasob zachoŭvajucca dziejnyja abmiežavańni na adčužeńnie akcyj u vyhladzie pieravažnaha prava ich nabyćcia miascovymi dziaržaŭnymi orhanami.
Nahadajem, u adpaviednaści z ukazam prezidenta № 677 ad 16 listapada 2006 hoda abłvykankamy i Minharvykankam majuć pieravažnaje prava na nabyćcio akcyj (dolaŭ u statutnych fondach) haspadarčych tavarystvaŭ, u tym liku tych, što ŭklučany ŭ pieralik jurasob, jakija zabiaśpiečvajuć funkcyjanavańnie stratehična značnych halin ekanomiki i inšyja važnyja dziaržaŭnyja patreby. Akcyjanier pavinien prainfarmavać abłvykankam pra svoj namier pradać akcyi. Kali toj nie kuplaje akcyi na praciahu 90 dzion pa zajaŭlenaj canie, to jany mohuć być pradadzienyja treciaj asobie pa canie nie nižej čym zajaŭlenaja.
Kamientary