Kary Chiejkila: Na chakiejnym «Turniry čatyroch» asnoŭnym pryjarytetam źjaŭlajecca vynik

Dla biełaruskaj chakiejnaj zbornaj, jakoj 10–11 lutaha treba budzie vystupać u Minsku na «Turniry čatyroch na pryzy BelSwissBank», hałoŭnym pryjarytetam źjaŭlajecca vynik.

«Mahčyma, my budziem hulać navat u try źviany, bo hałoŭnaje dla nas na hetym turniry — heta vynik», — kanstatavaŭ kouč.

Z samaha pačatku płanavałasia, što na damašnim turniry kamanda vystupić u aptymalnym składzie,

adnak pa roznych pryčynach biełarusy niedaličylisia šerahu klučavych hulcoŭ.

«Zrazumieła, što my spadziavalisia sabrać usich lepšych, ale ničoha nie zrobiš. Treba dumać na pierśpiektyvu. Miarkuju, dla dynamaŭcaŭ hety zbor u AAE pojdzie na karyść i da samych važnych matčaŭ u krasaviku-mai jany padyduć u lepšaj kandycyi. Da taho ž pry adsutnaści hetych hulcoŭ my zmožam pravieryć novych», — pa-fiłasofsku padyšoŭ da prablemy Chiejkila.

Razam z tym jon nie abminuŭ padkreślić, što štučna nie źbirajecca nikoha «ciahnuć» u skład i vyklikanyja na zamienu kacheełaŭcam chakieisty z adkrytaha čempijanatu Biełarusi atrymajuć hulniavuju praktyku, tolki kali dakažuć svaju hruntoŭnaść.

Pavodle słoŭ Chiejkila, miesca ŭ varotach u abodvuch matčach biełarusaŭ na turniry zojmie samy spraktykavany varatar «zubroŭ» Andrej Miezin.

Hałoŭny trenier zbornaj vykazaŭ upeŭnienaść u tym, što historyja z «Kubkam Paleśsia» (heta byŭ pieršy turnir dla Chiejkila ŭ jakaści rulavoha biełarusaŭ), na jakim, nahadajem, kamanda ŭ listapadzie 2011 hoda źviedała poŭnaje fijaska, kali z bujnym likam prajhrała ŭsie matčy i prademanstravała vielmi słabuju hulniu, nie paŭtorycca. «Zaraz u nas absalutna inšaja kamanda, inšy ŭzrovień. U Homieli heta byŭ svojeasablivy niaŭdały ekśpierymient», — upeŭnieny Chiejkila.

Aprača biełarusaŭ (11-je miesca ŭ suśvietnym rejtynhu) u «Turniry čatyroch na pryzy BelSwissBank» zhulajuć zbornyja Šviejcaryi (7), Hiermanii (8) i Słavakii (10).

10 lutaha ŭ 15.30 zhulajuć kamandy Šviejcaryi i Słavakii, a ŭ 19.00 na lod vyjduć zbornyja Biełarusi i Hiermanii. 11 lutaha prajhraŭšyja kamandy sustrenucca ŭ matčy za 3-je miesca ŭ 15.30, a pieramožcy syducca ŭ finalnym pajadynku ŭ 19.00. Usie hulni projduć na «Minsk-Arenie».

Skład zbornaj Biełarusi:

varatary: Andrej Miezin (1974, «Dynama-Minsk»), Leanid Hryšukievič (1978, «Mietałurh-Žłobin»), Jan Šalapnioŭ (1993, «Dynama-Šynik»);

abaroncy: Aleh Haroška (1989), Dźmitryj Korabaŭ (1989) (abodva — «Dynama-Minsk»), Pavieł Čarnavok (1986), Andrej Baško (1982) (abodva — «Šachcior»), Andrej Antonaŭ (1985, «Nioman»), Ivan Usienka (1983, «Junactva»), Aleh Misiul (1993, «Łoka», MCHŁ), Mikałaj Stasienka (1987, «Sievierstal»), Viktar Kaściučonak (1979, «Aŭtamabilist»);

napadajučyja: Siarhiej Dudko (1991), Siarhiej Drozd (1990), Anatol Pratasienia (1990), Michaił Stefanovič (1989), Alaksandr Paŭłovič (1988), Alaksandr Kitaraŭ (1987) (usie — «Dynama-Minsk»), Kanstancin Zacharaŭ (1985, «Junactva»), Arciom Bažko (1985, «Nioman»), Andrej Kołasaŭ (1989, «Homiel»), Jaŭhien Kavyršyn (1986, «Sievierstal»), Andrej Ściapanaŭ (1986, «Amur»), Kanstancin Kalcoŭ (1981, «Sałavat Jułajeŭ»), Alaksiej Kalužny (1977, «Avanhard»).

• 0
• 0
• 0
• 0
• 0
• 0
• 0
• 0