MVF prapanuje pryniać pakiet zachadaŭ dziela ekanamičnaj stabilnaści
Misija Mižnarodnaha valutnaha fondu ŭ Minsku abmiarkoŭvała zvarot uładaŭ Biełarusi pa finansavuju padtrymku.
Adnak, pavodle misii MVF, dla pieramovaŭ spatrebicca zhoda ŭsich strukturaŭ ułady i pryniaćcie pakietu zachadaŭ dziela ekanamičnaj stabilnaści, a taksama rašeńnie ŭładaŭ stać na šlach hłybokich reformaŭ. Pavodle kiraŭnika misii Krysa Džarvisa, patrebnaja ŭpeŭnienaść, što prahramu padtrymajuć krainy -- siabry MVF:
«My nie možam sprabavać pieraduhadvać, što budzie ŭpłyvać na rašeńnie i pavodziny krain MVF. My chacieli b akazać padtrymku ŭradu i Nacbanku ŭ raspracoŭcy nadziejnaj i abhruntavanaj palityki, jakuju mahli b padtrymać krainy -- siabry MVF. Kali my ŭbačym dobryja pierśpiektyvy, što ŭsie ŭradavyja struktury mohuć padtrymać realizacyju prahramy, tady my zmožam prakansultavacca ź inšymi krainami adnosna finansavaj padtrymki».
Pavodle ekśpierta MVF, Biełaruś zdolnaja pahašać zapazyčanaść pierad kredytorami. Pry praviadzieńni patrebnaj palityki zapazyčanaść zastaniecca na prymalnym uzroŭni. Krys Džarvis taksama adznačyŭ, što «reziervy ŭ Biełarusi zastajucca na nizkim uzroŭni».
Jon ličyć, što pry ŭmovie praviadzieńnia patrebnaj palityki Biełarusi było b nieabchodna atrymać dadatkovaje finansavańnie. Pavodle Džarvisa, «MVF nie refinansuje toj doŭh, jaki kraina maje pierad MVF».
MVF prapanuje raspracavać dla biełaruskaj ekanomiki paśladoŭny plan. Pavodle pradstaŭnikoŭ misii MVF, było b pamyłkovym značna pavyšać zarobki, pakul jašče nie dasiahnutaja tryvałaja stabilnaść. Pryjarytetnaj zadačaj biełaruskich uładaŭ pavinna stać zabieśpiačeńnie stabilnaści ŭ ekanomicy. Siarod inšaha, dla hetaha treba strymlivać zarobki. Adnosnaja stabilnaść ekanomiki daje mahčymaść abdumać bolš doŭhaterminovyja mety. Ekśpierty adznačajuć nieabchodnaść zachoŭvać «ustojlivy ŭzrovień dziaržaŭnaj zapazyčanaści». Nacbank pavinien zabiaśpiečyć nizki ŭzrovień inflacyi pry hnutkaści valutnaha kursu. Taksama treba vyznačyć palityku strukturnych reformaŭ. Ekśpierty MVF, siarod inšaha, rekamiendujuć libieralizacyju cenaŭ, umacavańnie roli pryvatnaha siektaru.
Čarhovaja poŭnamaštabnaja misija MVF płanujecca ŭ kastryčniku. Adnak misija moža pryjechać i raniej, bo MVF planuje intensiŭnyja suviazi ź biełaruskim bokam.
***
Ahladnaja misija MVF na čale z Krysam Džarvisam, jakaja prybyła ŭ Minsk 22 lutaha, zaviaršyła pracu ŭ Biełarusi. Misija praviała tradycyjny štohadovy ahlad sytuacyi ŭ ekanomicy krainy i zrabiła druhi postprahramny manitorynh — vyvučyła, jak vykonvajucca ŭmovy papiaredniaha kredytu MVF.
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1
Kamientary