MUS nie kamientuje infarmacyju pra novaha sukamiernika Statkieviča
U Ministerstvie ŭnutranych spraŭ Biełarusi BiełaPAN admovilisia kamientavać infarmacyju ab novym sukamerniku eks-kandydata ŭ prezidenty Mikałaja Statkieviča.
16 krasavika infarmacyjna-aśvietnickaja ŭstanova «Płatforma» paviedamiła, što ŭ kamieru da Statkieviču, jaki znachodzicca ŭ mahiloŭskaj turmie № 4, pieraviali z navapołackaj kałonii № 10 Andreja Vasiljeva, byłoha namieśnika kamandzira v/č 3214 unutranych vojskaŭ pa fizičnaj padrychtoŭcy. Hety čałaviek u 2002 hodzie byŭ asudžany Biełaruskim vajennym sudom da 21 hoda pazbaŭleńnia voli za zabojstva dziaŭčyny.
IPU «Płatforma» nahadvaje, što ŭ adnoj ź sieryj pakazanaha ŭ minułym hodzie pa NTV filma «Chrosny baćka» było zajaŭlena, što Andrej Vasiljeŭ nikoli nie chavaŭ svajho asabistaha ŭdziełu ŭ vykradańni i zabojstvach lideraŭ apazicyi Juryja Zacharanki, Viktara Hančara, Anatola Krasoŭskaha i žurnalista Dźmitryja Zavadskaha ŭ 1999-2000 hadach. Sam Vasiljeŭ ŭ efiry ONT abvierh svaju datyčnaść da «eskadronu śmierci».
Mikałaj Statkievič asudžany da šaści hadoŭ pazbaŭleńnia voli ŭ kałonii ŭzmocnienaha režymu pa kryminalnaj spravie ab masavych biesparadkach 19 śniežnia 2010 h. Prašeńnie ab pamiłavańni na imia prezidenta jon nie pisaŭ.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary