Hienprakuratura zacikaviłasia karupcyjaj u Ministerstvie adukacyi
Orhanami prakuratury ŭstanoŭlena, što načalnik adnaho z upraŭleńniaŭ Ministerstva adukacyi Biełarusi z vykarystańniem svaich słužbovych paŭnamoctvaŭ akazvała sadziejańnie i pratežavańnie pryvatnym unitarnym pradpryjemstvam, kiraŭnikami i zasnavalnikami jakich źjaŭlalisia jaje blizkija svajaki. Pra heta paviedamili ŭ Hienieralnaj prakuratury.
Takim čynam, supracoŭnikam ministerstva byli parušanyja patrabavańni artykuła 20 zakona «Ab baraćbie z karupcyjaj», artykuły 22 zakona «Ab dziaržaŭnaj słužbie ŭ Respublicy Biełaruś» i ŭmovy kantrakta ź dziaržaŭnym słužačym, h.zn. učyniena pravaparušeńnie, jakoje stvaraje ŭmovy dla karupcyi.
Z metaj likvidacyi i papiaredžańnia parušeńniaŭ zakanadaŭstva ab baraćbie z karupcyjaj u Minadukacyi i padkantrolnych jamu ŭstanovach adukacyi Hienieralnaj prakuraturaj ministru adukacyi ŭniesiena pradstaŭleńnie, u jakim «prapanavana pryniać vyčarpalnyja miery da vykaranieńnia pieradumoŭ dla karupcyjnych prajaŭ; razhledzieć pytańnie ab vyzvaleńni nazvanaha načalnika ŭpraŭleńnia Ministerstva adukacyi ad pasady i pryciahnieńni da dyscyplinarnaj adkaznaści inšych słužbovych asob, jakija nie pryniali naležnych mier pa niedapuščeńni ŭčynieńnia pravaparušeńniaŭ, što stvarajuć umovy dla karupcyi».
Razhlad pradstaŭleńnia ŭziaty Hienieralnaj prakuraturaj na kantrol.
Zakonam «Ab dziaržaŭnaj słužbie ŭ Respublicy Biełaruś» ustanoŭleny abmiežavańni dla dziaržaŭnych słužačych. Jany nie majuć prava zajmacca pradprymalnickaj dziejnaściu asabista ci praz davieranych asob, akazvać sadziejańnie blizkim svajakam u ažyćciaŭleńni pradprymalnickaj dziejnaści, vykarystoŭvajučy svajo słužbovaje stanovišča, a taksama być pradstaŭnikom trecich asob pa pytańniach, źviazanych ź dziejnaściu dziaržaŭnaha orhana, słužačym jakoha jon źjaŭlajecca, abo padparadkavanaha i (ci) padkantrolnaha jamu.
-
U Minsku ŭ 72‑hadovaha piensijaniera znajšli patrony, porach i vintoŭku z hłušycielem
-
U Naroŭli na pažary zahinuli 73‑hadovaja piensijanierka i dvoje jaje praŭnukaŭ — 5‑hadovaja dziaŭčynka i 10‑hadovy chłopčyk
-
U Čerykaŭskim rajonie mikraaŭtobus sutyknuŭsia ź lesavozam. Zamiest mašyny kuča mietałałomu, kiroŭca zahinuŭ
Kamientary