U 2011 hodzie pa aŭtarskich pravach u Biełarusi było vypłačana 9,5 młrd. rubloŭ, što na 40% bolš, čym u 2010 hodzie. Ab hetym napres-kanfierencyi 25 krasavika paviedamiŭ načalnik centra pa kalektyŭnym kiravańni aŭtarskimi pravami Nacyjanalnaha centra intelektualnaj ułasnaści Alaksiej Bičuryn.
Jon adznačyŭ, što za apošnija piać hadoŭ takija vypłaty ŭzraśli ŭ try razy. Pry hetym aŭtarskija vypłaty ažyćciaŭlajucca nie tolki biełaruskim, ale i zamiežnym pravaŭładalnikam. U 2011 hodzie im było vypłačana ŭ ekvivalencie 2 młrd. 100 młn. rubloŭ.
Dla paraŭnańnia: usiaho ŭ śviecie ŭ 2010 hodzie arhanizacyjami, jakija abaraniajuć aŭtarskija pravy, było vypłačana 7,5 młrd. jeŭra aŭtarskaj uznaharody. U Biełarusi za hety pieryjad — 1 młn. 600 tys. jeŭra, ci 16 jeŭracentaŭ na čałavieka. «U susiednich dziaržavach hetyja pakazčyki značna vyšejšyja: u Rasii — 0,5 jeŭra, u Polščy — 1,8 jeŭra. Ale razumieńnie značeńnia aŭtarskaha prava i jaho kamiercyjalizacyja ź ciaham času ŭzrastaje, usio bolš karystalnikaŭ zajaŭlajucca dobraachvotna, sa mnohimi davodzicca vieści bolš kanstruktyŭny dyjałoh, pierakonvajučy zaklučyć dahavor i vykonvać aŭtarskija pravy», — skazaŭ ekśpiert.
Siarod najbolš papularnych aŭtaraŭ, jakim vypłačvajucca ŭznaharody, jon nazvaŭ Uładzimira Puhača, Uładzimira Kubyškina, Alaksieja Nabiejeva, Maksima Alejnikava, Ihara Łučanka.
Bičuryn adznačyŭ, što centr zajmajecca abaronaj i realizacyjaj aŭtarskich pravoŭ na muzyčnyja i teatralnyja tvory. Pavodle jaho słoŭ, na rehularnaj asnovie aŭtarskija ŭznaharody adličvajuć 1.200 subjektaŭ haspadarańnia, siarod jakich radyjostancyi, televizijnyja kanały, abjekty hramadskaha charčavańnia i handlu.
Bičuryn taksama paviedamiŭ, što abarona aŭtarskich pravoŭ vyrašajecca ŭ sudovym paradku. «Adzin sud ź niepłacielščykam dazvalaje potym mieć prapahandyscki efiekt. Nie skažu, što my nie vyłazim z sudoŭ, chacia heta narmalnaja praktyka dla abaroncaŭ aŭtarskich pravoŭ. Na praciahu hoda ŭ Biełarusi prachodzić kala paŭsotni spraŭ. Jany razhladajucca śpiecyjalnaj kalehijaj Viarchoŭnaha suda», — skazaŭ ekśpiert.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?4
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2828
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama28
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2727
Kamientary