Zahinuŭ. Musili spłacić siamji 225 miljonaŭ, a kinuli 9
Umiašaŭsia Śledčy kamitet, dyrektara mohuć pasadzić.
U Navapołacku zaviali kryminalnuju spravu za amal 25-krotnaje skaračeńnie kampiensacyjnaj vypłaty ŭdavie. Čałaviek zahinuŭ na vytvorčaści, a da jahonaj siamji pastavilisia voś tak nie pa-ludsku.
Supracoŭniki słužby pa baraćbie z ekanamičnymi złačynstvami Viciebskaj vobłaści praviali pravierku pa fakcie niezakonnaha skaračeńnia kampiensacyjnaj vypłaty.Takuju vypłatu praduhledžvaje Pracoŭny kodeks i kalektyŭnaja damova. Dyrektar akcyjaniernaha tavarystva, jakoje ŭvachodzić u sistemu ŽKH Navapołacka, nieabhruntavana zaniziŭ pamier kampiensacyi siamji zahinułaha. Mahčyma, navat skłaŭ dla taho padłožnyja dakumienty.
Zakanadaŭstva patrabuje, kab najmalnik spłaciŭ udavie 120 siaredniamiesiačnych zarpłat.Adnak vyhladaje, što byŭ składzieny padrobleny pratakoł pasiadžeńnia prafkama AAT, pa jakim u vypadku hibieli supracoŭnika pamier kampiensacyi vyličaŭsia ŭ zaležnaści ad kolkaści prapracavanych hadoŭ: za kožny hod pracy -- siaredniamiesiačnaja zarpłata. Dakumient datavali zadniaj dataj. I arhanizacyja na padstavie nibyta praviedzienaha za tydzień da zdareńnia pasiadžeńnia pieraličyła ŭdavie za ŭsio pra ŭsio 9 miljonaŭ zamiž naležnych 225-ci.
Na kiraŭnika raspačali kryminalnuju spravu pa č.3 art.426 (pieravyšeńnie słužbovych paŭnamoctvaŭ, jakoje paciahnuła ciažkija nastupstvy).Sankcyja hetaha artykuła praduhledžvaje da dziesiaci hadoŭ pazbaŭleńnia voli. A ŭdava taki maje šaniec atrymać dapamohu.
Kamientary