Загінуў. Мусілі сплаціць сям'і 225 мільёнаў, а кінулі 9
Умяшаўся Следчы камітэт, дырэктара могуць пасадзіць.
У Наваполацку завялі крымінальную справу за амаль 25-кротнае скарачэнне кампенсацыйнай выплаты ўдаве. Чалавек загінуў на вытворчасці, а да ягонай сям'і паставіліся вось так не па-людску.
Супрацоўнікі службы па барацьбе з эканамічнымі злачынствамі Віцебскай вобласці правялі праверку па факце незаконнага скарачэння кампенсацыйнай выплаты.Такую выплату прадугледжвае Працоўны кодэкс і калектыўная дамова. Дырэктар акцыянернага таварыства, якое ўваходзіць у сістэму ЖКГ Наваполацка, неабгрунтавана занізіў памер кампенсацыі сям'і загінулага. Магчыма, нават склаў для таго падложныя дакументы.
Заканадаўства патрабуе, каб наймальнік сплаціў удаве 120 сярэднямесячных зарплат.Аднак выглядае, што быў складзены падроблены пратакол пасяджэння прафкама ААТ, па якім у выпадку гібелі супрацоўніка памер кампенсацыі вылічаўся ў залежнасці ад колькасці прапрацаваных гадоў: за кожны год працы -- сярэднямесячная зарплата. Дакумент датавалі задняй датай. І арганізацыя на падставе нібыта праведзенага за тыдзень да здарэння пасяджэння пералічыла ўдаве за ўсё пра ўсё 9 мільёнаў заміж належных 225-ці.
На кіраўніка распачалі крымінальную справу па ч.3 арт.426 (перавышэнне службовых паўнамоцтваў, якое пацягнула цяжкія наступствы).Санкцыя гэтага артыкула прадугледжвае да дзесяці гадоў пазбаўлення волі. А ўдава такі мае шанец атрымаць дапамогу.
-
У мінскія крамы завезлі экзатычныя плады з Калумбіі
-
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі
-
Як цяпер выглядае старадаўні касцёл, на выратаванне якога дзяржава збірае ахвяраванні ФОТЫ
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары